У Гомелі за заклікі да пратэстаў затрымалі вядучага радыёстанцыі «Гомель FM» Аляксея Каверына
4 снежня 2021
Раней у сеціва «злілі» перапіску гамяльчаніна ў адным з закрытых чатаў, да затрымання ён прасіў прабачэння за яе ў сябе ў Instagram.
Як паведамляе МУС, на гамяльчаніна выйшлі аператыўнікі ГУБАЗіКа. Яны ўстанавілі, што ён размяшчаў тэкставыя і галасавыя паведамленні з «заклікамі да незаконнага збору грамадзян у грамадскіх месцах Гомеля, арганізоўваў групавыя дзеянні, якія груба парушаюць грамадскі парадак і спалучаныя з непадпарадкаваннем законным патрабаванням прадстаўнікам улады». У дачыненні да яго ўзбуджаная крымінальная справа. Па якім канкрэтна артыкуле — не ўдакладняецца, як і абраная мера стрымання, паведамляе сайт spring96.org.
МУС апублікавала «пакаяльнае відэа» з затрыманым Аляксеем Каверыным.
Каверын да нядаўняга часу працаваў на радыё «Гомель FM». Цяпер яго імя няма ў спісе супрацоўнікаў, аднак яшчэ 17 жніўня 2021-га на тэлеканале «Беларусь 4» дэманстраваўся сюжэт, дзе вядучы расказваў пра юбілей і гісторыю радыёстанцыі.
@bajmedia
Урад Літвы прапануе падоўжыць забарону на рэтрансляцыю беларускіх і расійскіх тэлеканалаў
10.04.2024
«Затрымалі на святы». У Гродне працягваюцца затрыманні за падпіску на Instagram Руслана Кулевіча
09.01.2024
Пракуратура прызнала, што газета «Лепельскі край» распаўсюджвала «экстрэмісцкія» матэрыялы
15.08.2024
КПЧ ААН зарэгістраваў скаргу на незаконную ліквідацыю БАЖ
31.07.2024
