Сайт “Витебский курьер news” заблакаваны “за экстрэмізм”

Такім чынам, у абласным цэнтры паралельна існавалі два сайты з падобнымі назвамі: “Витебский курьер” і  “Витебский курьер news”.

“Витебский курьер”, які мае больш даўнюю гісторыю і калісьці выдаваўся ў папяровай  версіі, трапіў пад ціск першым. Яшчэ паўтара гады таму Міністэрства інфармацыі абмежавала доступ да сайта  vkurier.by на той падставе, што там, паводле ведамства, публікаваліся матэрыялы, якія “шкодзяць грамадскім інтарэсам”.

Цяпер пад блакіроўку трапіў і сайт vkurier.info. Пастанову пра абмежаванне карыстальніцкага доступу вынес пракурор Віцебскай вобласці, пра гэта 21 снежня паведаміла служба інфармацыі пракуратуры. Паводле высноў пракурора, у дзейнасці рэсурса заўважаныя парушэнні законаў Рэспублікі Беларусь “Аб сродках масавай інфармацыі” і “ Аб супрацьдзеянні экстрэмізму”. У прыватнасці, пракуратура заўважыла “факты публікацыі інтэрнет-сайтам інфармацыі, якая псуе дзелавую рэпутацыю і дыскрэдытуе дзяржаўныя органы і пасадовых асоб, а таксама факты публікацыі звестак, што здольныя нанесці шкоду нацыянальным інтарэсам Рэспублікі Беларусь”.

Апрача гэтага, медыя нібыта фармавала недавер да органаў дзяржаўнага кіравання, судовых органаў і органаў аховы правапарадку, а таксама прапагандавала экстрэмісцкую дзейнасць.