Пайшоў з жыцця літаратар, журналіст Аляксандр Тамковіч
4 сакавіка 2022
Пасля хваробы на 59-ым годзе жыцця не стала нашага калегі, літаратара, журналіста Аляксандра Тамковіча.
Спадар Аляксандр — калега, сябра. Яго прага жыцця і ўнутраная сіла шмат для каго былі прыкладам.
Беларуская асацыяцыя журналістаў выказвае глыбокія спачуванні родным і сябрам спадара Аляксандра.
Развітанне з Аляксандрам Тамковічам адбудзецца ў суботу, 5-га сакавіка а 10:00 ў касцёле Святога Роха ў Менску (на Залатой Горцы, праспект Незалежнасці 44а). Імша пачнецца аб 11-й. Згодна з пажаданнямі журналіста, ён будзе крэмаваны і пахаваны ў Ашмянах побач з ягонай мамай.
Аляксандр Леанідавіч Тамковіч нарадзіўся ў Ашмянах (Гродзенская вобласць). Жыццё сваё звязаў з журналістыкай, літаратурнай працай.
У 1987 годзе скончыў факультэт журналістыкі Львоўскага вышэйшага ваенна-палітычнага вучылішча. Працаваў карэспандэнтам газеты «Во славу Родины», намеснікам галоўнага рэдактара газеты «Свободные новости». У 2001‑м стварыў і ўзначаліў газету «День».
Аляксандр Тамковіч – аўтар 16 кніг пра нашых сучаснікаў. Гэта вялікая галерэя гісторый, біяграфій людзей, якія ствараюць ці стваралі сучаснасць і будучыню Беларусі. Сярод гэтых кніг – «Судьбы» (2006), «Женщины» (2007), (2009), «Асобы» (2008), «Будзіцелі» (2009), разам са Святланай Калінкінай і А. Коктышам «Геннадий Карпенко: Хроника разбившихся надежд», «Інтэрв’ю, якіх не было», «Лёсы» (2009), «Без палітыкі», «Супраць плыні» (2011), «Мазаіка жыцця» (2017) і інш.
Аляксандр Тамковіч – сябра Беларускай асацыяцыі журналістаў, Беларускага ПЭН-цэнтра, Саюза беларускіх пісьменнікаў.
Тут можна прачытаць матэрыялы з кніг спадара Аляксандра Тамковіча: Галерэя Тамковіча
@bajmedia
У Глыбокім журналіста Змітра Лупача публічна абвясцілі «злачынцам»
11.04.2024
«Вы прымушаеце людзей думаць, а палітыкаў — баяцца». У Сейме Літвы прайшлі ўрачыстасці ў гонар 70-годдзя Беларускай службы «Радыё Свабода»
22.05.2024
Проект журналистки Евгении Долгой «Политвязынка» в Instagram атаковали боты
23.01.2024
Крымінальная справа супраць Юрыя Дракахруста, Ганны Любаковай і яшчэ 18 чалавек перададзена ў Генпракуратуру
28.03.2024
