Выйшла з СІЗА яшчэ адна фігурантка «справы TUT.BY»
13 мая 2022
З СІЗА сёння выпусцілі былога галоўнага інжынера TUT.BY Алу Лапатка. Яна знаходзілася за кратамі амаль год. Ёй змянілі меру стрымання, абвінавачванні не знятыя, паведамляе Zerkalo.io.
Раней былі вызваленыя яшчэ некалькі чалавек з былога калектыва ТАА «ТУТ БАЙ медыя».
25 красавіка былога менеджара TAM.BY (уваходзіць у склад ТАА «ТУТ БАЙ медыя») Дар’ю Данілаву прызналі вінаватай у арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх. Ёй прызначылі год і чатыры месяцы калоніі агульнага рэжыму. Улічваючы тэрмін, праведзены ў СІЗА (больш за 11 месяцаў), Дар’ю адпусцілі ў зале суда. У зняволенні Дар’я правяла больш за 11 месяцаў.
17 сакавіка былі вызваленыя былы галоўны рэдактар палітыка-эканамічнага блока навін Вольга Лойка, былы намеснік генеральнага дырэктара па тэхнічных пытаннях Аляксандр Дайнэка і менеджар Publisher Box Андрэй Аўдзееў.
11 сакавіка вызвалілі былую намесніцу галоўнага бухгалтара «ТУТ БАЙ медыя» Марыю Новік, намесніцу генеральнага дырэктара па агульных пытаннях Ірына Рыбалка і галоўную бухгалтарку Анжэлу Асад.
У зняволенні па «справе TUT.BY» застаюцца былая генеральная дырэктарка TUT.BY Людміла Чэкіна, экс-галоўная рэдактарка Марына Золатава, журналістка Алена Талкачова.
@bajmedia
Брэсцкая абласная пракуратура адсправаздачылася пра барацьбу з «экстрэмісцкай інфармацыйнай прадукцыяй»
16.04.2024
БАЖ зноў вылучыў Нацыянальны саюз журналістаў Украіны на прэмію ЮНЭСКА/Гільерма Кано
14.02.2024
Брэсцкі абласны суд разгледзіць заўтра апеляцыйную скаргу зняволенага блогера Аляксандра Ігнацюка
27.05.2024
У рэдактара партала orsha.eu Ігара Казмерчака зладзілі чарговы ператрус
24.07.2024
