«Люстэрка» сайту Саюзу палякаў у Беларусі прызналі «экстрэмісцкімі матэрыяламі»
28 мая 2022
Сайт незарэгістраванага Саюза палякаў у Беларусі nadniemnemgrodno.pl уключаны сьпіс экстрэмісцкіх матэрыялаў.
Адпаведнае рашэньне 20 траўня прыняў суд Ленінскага раёну Горадні, паведамляе ПЦ «Вясна».
Скрыншот старонкі сайту nadniemnemgrodno.pl
30 сьнежня 2021 году «экстрэмісцкімі матэрыяламі» была прызнана інфармацыйная прадукцыя асноўнага парталу Саюзу палякаў Беларусі — znadniemna.pl. Улады заблякавалі доступ да сайту.
«Справа палякаў»
Кіраўніца Саюзу палякаў Беларусі Анжаліка Борыс, журналіст Андрэй Пачобут, а таксама актывісты Саюзу палякаў Беларусі зь Ліды, Ваўкавыску і Берасьця: Ірэна Бярнацкая, Марыя Цішкоўская і Ганна Панішава былі арыштаваныя па так званай «справе палякаў». Ім закідалі «распальваньне нацыянальнай варожасьці» і «рэабілітацыю нацызму».
Жанчын, апрача Анжалікі Борыс, вызвалілі і прымусілі пакінуць Беларусь. Пачобут і Борыс адмовіліся ад вызваленьня ў абмен на згоду пакінуць радзіму.
Праваабарончая супольнасьць Беларусі прызнала Борыс і Пачобута палітычнымі вязьнямі, гэткую ж пазыцыю маюць улады Польшчы.
У сакавіку 2022 году старшыню Саюзу палякаў Беларусі Анжаліку Борыс перавялі са сьледчага ізалятара ў Жодзіне пад хатні арышт.
@bajmedia
«Рэжым старанна знішчае «чацвёртую ўладу» – бо першыя тры ён ужо падпарадкаваў сабе»: Святлана Ціханоўская – да дня свабоды прэсы
03.05.2024
СБУ абвінавачвае экс-вядучую, якая брала інтэрв’ю ў Лукашэнкі, у дзяржаўнай здрадзе
12.10.2023
Сайт «Белсата» аднавіў працу. Што гэта азначае?
26.08.2024
Галоўны рэдактар iXBT.games атрымаў 10 сутак адміністрацыйнага арышту
19.03.2024
