У Івацэвічах затрымалі незалежнага журналіста Паўла Дайліда
8 ліпеня 2022
Увечары 7 ліпеня Павел Дайлід паспеў паведаміць калегам, што да яго ў кватэру ў Івацэвічах прыехалі супрацоўнікі міліцыі і выклікалі ў мясцовы РАУС для разбіральніцтва. Пасля гэтага журналіст быў затрыманы.
Падставай для гэтага нібыта з’явіўся фотаздымак Паўла Дайліда разам з бел-чырвона-белым сцягам, зроблены ў ліпені 2020 года падчас дазволенага пікета ў падтрымку кандыдата ў прэзідэнты Беларусі Святланы Ціханоўскай і размешчаны ў сацыяльнай сетцы «Вконтакте».
Пакуль не зразумела, ці ўвагу сілавікоў выклікаў сам здымак са сцягам ці каментары да гэтай фатаграфіі. Раней Павел Дайлід супрацоўнічаў з рознымі недзяржаўнымі выданнямі, неаднаразова трапляў пад рэпрэсіі.
UPD. На журналіста завялі адміністрацыйную справу (пакуль не ведаем, за што). Сёння мусіць прайсці суд.
@bajmedia
Канада падтрымае беларускія незалежныя СМІ
16.04.2024
Аляксей Дзікавіцкі пастанавіў датэрмінова пакінуць «Белсат»
19.11.2024
На «Беларусьфільме» цалкам звольнілі кіраўніцтва студыі, якая здымала дакументальнае кіно
11.06.2024
7 чэрвеня Вярхоўны суд будзе разглядаць апеляцыйную скаргу Ігара Карнея
04.06.2024
