У расейскі палон трапіў украінскі праваабаронца, які дапамагаў беларускім уцекачам і журналістам
11 ліпеня 2022
Сузаснавальнік Цэнтру правоў чалавека ZMINA і «Громадське радіо», праваабаронца Максім Буткевіч трапіў у расейскі палон у часе баявых дзеяньняў у раёне населеных пунктаў Залатое і Горскае Луганскай вобласьці.
Як паведаміў Цэнтар правоў чалавека ZMINA, маці Максіма Буткевіча ня ведае, дзе ён знаходзіцца і ў якім стане.
Максім Буткевіч — украінскі праваабаронца і журналіст. У сакавіку 2022 году ён пайшоў на службу ва ўкраінскае войска, каб абараняць Украіну ад расейскай агрэсіі.
Максім Буткевіч спэцыялізуецца на абароне правоў уцекачоў. У красавіку 2021 году ён першым паведаміў аб незаконных дзеяньнях СБУ ў дачыненьні да беларускага анархіста Аляксея Балянкова.
Праваабаронца таксама ўдзельнічаў у шэрагу захадаў, прымеркаваных праблемам легалізацыі беларусаў, якія пасьля прэзыдэнцкіх выбараў у 2020 годзе ўцякалі ад палітычнага перасьледу зь Беларусі ва Ўкраіну.
Российские пропагандисты выложили в интернет видео с Максимом Буткевичем
@bajmedia
Журналістаў-расследавальнікаў з «Бюро Медыя» абвясцілі ў міждзяржаўны вышук
26.07.2024
Медыя Warta прызналі «экстрэмісцкім»
21.12.2023
Па месцы рэгістрацыі намесніка старшыні БАЖ прыходзілі з ператрусам
17.05.2024
Свярдлоў пра праект з Маланкай: «Мы самі яшчэ не абвяшчалі публічна ні пра стварэнне кансорцыума, ні пра канкрэтныя праекты»
25.09.2023
