Былому журналісту з Драгічына забаранілі выезд з Беларусі
16 сакавіка 2023
Беларускія памежнікі паведамілі былому журналісту інтэрнэт-выдання «Першы рэгіён» Сяргею Гардзіевічу, што яму забаронены выезд за мяжу і паставілі ў пашпарт адпаведны штамп.
Сяргей Гардзіевіч раней працаваў у інтэрнэт-выданні «Першы рэгіён», а летам 2021 года быў асуджаны на паўтара года пазбаўлення волі. Яго прызналі вінаватым паводле трох крымінальных артыкулаў: у абразе прадстаўнікоў улады ў сувязі з выкананнем імі службовых абавязкаў (арт. 369 КК), паклёпе (арт. 188 КК) і публічнай абразе «прэзідэнта Рэспублікі Беларусь» (ч. 1 арт. 368 КК).
Сам Сяргей Гардзіевіч у судзе віну не прызнаў і адбываў пакаранне ў папраўчай калоніі №17 у Шклове. Летась у кастрычніку былы журналіст выйшаў на волю, а ў лістападзе 2022 года ён трапіў у «спіс экстрэмістаў» Міністэрства унутраных спраў.
Сёлета Сяргей Гардзіевіч атрымаў візу і ў сакавіку вырашыў з’ездзіць у Літву, аднак паездка атрымалася няўдалай.
«Я адчуў нешта нядобрае, калі памежніца вельмі доўга разглядала мой пашпарт. У выніку яна патэлефанавала, і прыйшоў яе начальнік», — распавёў Сяргей Гардзіевіч для выдання «Ганцавіцкі час».
Памежнікі паведамілі Гардзіевічу, што яму забаронены выезд за мяжу і паставілі ў пашпарт адпаведны штамп. Падчас гэтага разбіральніцтва аўтамабіль папрасілі адагнаць на спецыяльную стаянку, дзе замкнулі адмысловымі агароджамі. Пазней аўто разблакавалі, і Сяргей мусіў пакінуць пункт памежнага пропуску ў зваротным напрамку.
«Я спрабаваў дабіцца, каб вярнулі грошы, што былі выплачаныя як зборы за перасячэнне мяжы, але памежнікі развялі рукамі: маўляў, грошы ў вас не бралі, едзьце ў банк», — кажа Сяргей Гардзіевіч.
Былы журналіст распавёў, што не мае ніякіх нявыплачаных штрафаў. Пасля адбыцця пакарання ў калоніі новых запазычанасцяў таксама не было. Таму зараз Сяргей Гардзіевіч накіраваў скаргі ў пракуратуру і Следчы камітэт, каб даведацца прычыны забароны яму на выезд за мяжу.
Чытайце яшчэ:
Рэдактара «Інфа-Кур’ера» і яго намесніка змясцілі ў ізалятар, «Белсаюздруку» адмаўляецца браць газеты
Латвия заблокировала много российских СМИ, но местные порталы продолжают продвигать кремлёвские нарративы
Страница «ВКонтакте» журналиста Игоря Палынского признана экстремисткой
@bajmedia
Сына пісьменніка і журналіста Сяргея Антонава асудзілі на 1,5 гады калоніі
22.04.2024
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
Plan B звярнуўся да чытачоў па падтрымку
09.01.2024
Журналіст Анджэй Пачобут ужо тры гады за кратамі
25.03.2024
