Блогер з Пінска Мікалай Клімовіч падаў апеляцыйную скаргу на прысуд
13 красавіка 2023
Разгляд скаргі блогера і грамадскага актывіста з Пінска Мікалая Клімовіча, якога напрыканцы лютага суд Пінскага раёна і г. Пінска пакараў годам зняволення паводле артыкула за абразу прэзідэнта, прызначаны на 21 красавіка.
Па словах знаёмых і сяброў блогера, пакуль вельмі мала звестак ад вязня. Вядома толькі, што ён знаходзіцца ў СІЗА № 6 горада Баранавічы і будзе там сядзець да рагляду яго апеляцыі на прысуд.
Нагадаем, 28 лютага суддзя Андрэй Бычыла прызнаў Мікалая Клімовіча вінаватым паводле арт. 368 Крымінальнага кодэкса (“Абраза прэзідэнта Рэспублікі Беларусь”). Пад пераслед блогер трапіў яшчэ ў снежні, калі сілавікі на ягонай старонцы ў сацыяльнай сетцы выявілі палітычную карыкатуру на Аляксандра Лукашэнку, які быў намаляваны ў нацыскай форме.
61-гадовы Мікалай Клімовіч мае ІІ групу інваліднасці з прычыны захворвання сардэчнай сістэмы, перанёс інсульт і складаную аперацыю на сэрцы.
Родных і сяброў вязня перадусім непакоіць яго здароўе.
Чытайце яшчэ:
Вольга Класкоўская: Як тут не параноіць, калі ў ванне ляжыш, а да цябе ГУБАЗіК урываецца
Стваральніца падкаста «Вясна прыйдзе»: Меншае, што мы можам зрабіць, — гэта ведаць пра досвед людзей, якія побач з намі
Рэдактарка зіна PAMYŁKA: Трэба было дзесяць год валанцёрыць, каб пабачыць квантавы скачок у грамадстве
@bajmedia
На сайт беларускага спартовага партала «Трыбуна» адбылася DDoS-атака
15.04.2024
У Беластоку прэзентуюць кнігу беларускага журналіста з Падляшша
16.10.2024
Памёр відэааператар Сяргей Чырык
27.12.2023
Генпракуратура перадала ў суд справу «аналітыкаў Святланы Ціханоўскай». Сярод абвінавачаных — журналісты Юры Дракахруст і Ганна Любакова
30.04.2024
