Гомелец, які ўжо падаў заяву ў СК на Азаронка, вырашыў прыцягнуць да адказнасці Мукавозчыка

На думку Міронава, у гэтым артыкуле аўтар заклікае да дзеянняў, накіраваных на распальванне нянавісці, варожасці, а таксама прыніжэнне годнасці групы асобаў па прыкметах прыналежнасці да вызначанай сацыяльнай групы.

Той самы артыкул Мукавозчыка, пра які ідзе гаворка, напісаны ў стылі загалоўка. Калі ў агульных рысах, то ў ім прапагандыст кажа пра тое, што любы нязгодны з палітыкай Лукашэнкі беларус здольны прынесці выбухоўку нават у дзіцячы садок, краму ці на плошчу, а таму пра такіх людзей трэба паведамляць “куда следует, чтобы потом к ним не приходилось применять высшую меру социальной защиты”.

У сваёй заяве ад 14 кастрычника Міронаў просіць пачаць праверку ў дачыненні да Мукавозчыка на факт наяўнасці ў яго артыкуле складу злачынства, прадугледжанага ч. 1 арт. 130 Крымінальнага кодэксу Беларусі, і пры пацверджанні яго наяўнасці, адкрыць крымінальную справу адносна дадзенай асобы. У якасці пакарання артыкул прадугледжвае да 5 год абмежавання волі ці зняволення.

Ілля Міронаў — вядомы ў Гомелі актывіст, які напісаў некалькі тысяч лістоў палітвязням; а цяпер ужо і сам з’яўляецца былым палітвязнем. У пачатку лютага 2023 года улады унеслі яго ў “спіс экстрэмістаў”. У студзені гэтага года Міронаў аднёс заяву ў Следчы камітэт з просьбай адкрыць крымінальную справу ў дачыненні да Рыгора Азаронка. Няспынна і прынцыпова абараняе свае канстытуцыйныя правы.

Чытайце яшчэ:

Журналіст года ў Польшчы, «тэрарыст» для лукашэнкаўцаў. Анджэю Пачобуту — 50

Браты Сяргей і Аляксандр Сацукі адзначаюць юбілей. Першы — у калоніі, другі — у эміграцыі

У беларускіх журналістаў зноў заблакавалі банкаўскія карткі ва Украіне