Чым абярнуўся дэфіцыт крытычных матэрыялаў у СМІ — меркаванне гомельскага чыноўніка
11 ліпеня 2023
Адказваючы на пытанні супрацоўнікаў дзяржаўнай газеты «Гомельская праўда» пра неадназначнае стаўленне беларускага грамадства да ідэолагаў, намеснік старшыні Гомельскага аблвыканкама ў пытаннях сацыяльнай палітыкі і ідэалогіі Дзмітрый Алейнікаў адзначыў, што гэта «наш недагляд».
А «дэфіцыт крытычных матэрыялаў ў СМІ», паводле чыноўніка, прывёў да таго, што людзі з нізкім узроўнем адукацыі атрымліваюць фінансавыя рэсурсы, купляюць добрую тэхніку і пачынаюць здымаць відэа пра недахопы ў добраўпарадкаванні, недапрацоўкі ўлады — і ў выніку становяцца журналістамі, кумірамі для сваёй аўдыторыі.
Чыноўнік ад ідэалогіі казаў пра блогера, які «зараз сядзіць у калоніі». (Хто канкрэтна меўся на ўвазе, не ўдакладняецца. Відаць, таму што ў большасці вядомых блогераў-куміраў за плячыма ўніверсітэты.)
На думку Алейнікава, аддзелы ідэалогіі трэба перайменаваць. Напрыклад, у «інфармацыйныя аддзелы» альбо ў «аддзелы па працы з грамадскасцю».
@bajmedia
