Вядомага спартыўнага блогера будуць судзіць за «садзейнічанне экстрэміскай дзейнасці»
25 верасня 2023
У Мінскім гарадскім судзе 27 верасня распачнецца суд над аўтарам Telegram-канала «Серебряный век. Футбол Беларуси» і экс-супрацоўнікам «Народнай газеты» Дзмітрыем Сельвеструком. Яго абвінавачваюць паводле ч. 1 арт. 361-4 Крымінальнага кодэкса (садзейнічанне экстрэмісцкай дзенасці), піша «Вясна».
Акалічнасці справы праваабаронцам невядомыя — з пачатку траўня пра блогера не было ніякіх звестак. Працэс будзе весці Святлана Чарапанава. Дзмітрыю пагражае да шасці гадоў калоніі.
Пра затрыманне Дзмітрыя стала вядома напачатку траўня 2023 года. Паведамлялася, што яго змясцілі ў ізалятар часовага ўтрымання. Якую меру стрымання абралі блогеру — праваабаронцам невядома.
«Беларуская асацыяцыя журналістаў» пісала, што Дзмітрыю Сельвеструку 33 гады, ён выпускнік факультэта журналістыкі Белдзяржуніверсітэта. Доўгі час працаваў у дзяржаўнай «Народнай газеце», спецыялізаваўся на сацыяльных тэмах ды ІТ-індустрыі. Паступова пераарыентаваўся на спартыўныя навіны, пачаў супрацоўнічаць са спецыялізаваным рэсурсам Football.by. Роўна тры гады таму запусціў уласны праект «Серебряный век. Футбол Беларуси», які дзякуючы інсайдэрскім крыніцам стаў даволі папулярным у асяродку як заўзятараў, так і спецыялістаў.
Тэлеграм-канал затрыманага «Серебряный век. Футбол Беларуси» налічвае амаль 2000 падпісчыкаў. Там Сельвеструк публікаваў аналітыку пра айчынны футбол. Апошні раз канал абнаўляўся пятага траўня.
Чытайце яшчэ:
«Самы пачварны дзень у маім жыцці». Галоўны рэдактар «Нашай Нівы» Ягор Марціновіч распавёў пра свой арышт
Что такое туркменизация журналистики? Это возможное завтра для белорусских медиа
«У Грузіі пакуль нікога з незалежных журналістаў не пасадзілі, але, баюся, ключавое слова «пакуль»», — рэдактарка Sova.news Марта Ардашэлія
@bajmedia
Суд у Гродне не стаў разглядаць пазоў мясцовага медыя да прапагандысткі Бондаравай
14.05.2024
Літва адмовіла журналісту Алегу Баршчэўскаму ў палітычным прытулку
25.03.2024
Дом создательницы YouTube-канала «Настоящая Беларусь» выставили на аукцион
15.05.2024
Суды Брэсцкай вобласці істотна папоўнілі спіс «экстрэмістаў» у рэгіёне за кошт сацсетак мясцовых медыяў
20.12.2023
