У Еўразвязе назвалі сацсетку Х Маска галоўнай платформай расейскай дэзынфармацыі
27 верасня 2023
Сацыяльную сетку X (раней Twitter) Ілана Маска назвалі найбуйнейшым каналам распаўсюджвання дэзынфармацыі, піша «Белсат».
Пра гэта заявіла віцэ-прэзідэнтка Еўракамісіі Вера Ёўрава, паведамляе «The Bell» са спасылкай на «Bloomberg».
«Гэтая зброя масавых маніпуляцый коштам шмат мільёнаў еўра, накіраваная і на расейцаў, і на ўвесь астатні свет. Буйныя кантэнтныя платформы абавязаны прадухіляць гэтую рызыку. Асабліва ў кантэксце верагоднай актыўнасці Крамля – і не толькі – перад выбарамі ў ЕЗ», – заявіла Вера Ёўрава.
Асабліва гэта трэба ўлічваць у кантэксце таго, што Крэмль і іншыя будуць актыўныя перад еўрапейскімі выбарамі, дадала віцэ-прэзідэнтка Еўракамісіі.
На яе думку, менавіта ў X (раней Twitter) «самая вялікая доля пастоў з скажэннямі і прамой дэзынфармацыяй». Асаблівая актывізацыя расейскіх наратываў у сацсетцы адзначана перад нядзельнымі выбарамі ў Славакіі, дзе ёсць умоўна прарасейскі кандыдат.
Таксама Еўразвяз заклікаў платформы Крамянёвай даліны павысіць сваю пільнасць у барацьбе з расейскай «вайной ідэй».
Нядаўна Еўракамісія выпусціла справаздачы аб стане барацьбы з дэзынфармацыяй на асноўных буйных лічбавых платформах, такіх як Meta, Google, TikTok, X і іншых. Большасць асноўных платформаў пагадзіліся працаваць з ЕЗ над добраахвотным кодэксам паводзін, мэтай якога з’яўляецца ўстанаўленне стандартаў для праверкі фактаў і іншых мер.
Чытайце яшчэ:
Горькое наследство. Анна Мирочник объясняет, зачем протесту рассказывать о своих жертвах
«Жыццё — падарожжа, а мы ўвесь час кудысьці крочым». Беларускі журналіст з’ехаў у ЗША і вядзе YouTube-канал пра дыяспару
«Упершыню купіў у турэмнай краме марскую капусту». Што новага ў палітзьняволенага журналіста Дзяніса Івашына
@bajmedia
