У глыбоцкай кватэры журналіста Змітра Лупача сілавікі правялі ператрус
6 снежня 2023
Журналіст-фрылансер Зміцер Лупач два з паловай гады таму быў вымушаны з’ехаць з Беларусі пасля шматлікіх выпадкаў адміністрацыйнага пераследу за супрацоўніцтва з незалежнымі СМІ. Непасрэдна перад ад’ездам у ліпені 2021 года яго затрымлівалі на трое сутак у межах крымінальнай справы, распачатай за нібыта распальванне міжнацыянальнай варожасці.
Такім чынам, «трохпакаёўка» на вуліцы Савецкай у Глыбокім з тае пары стаяла зачыненая — у ёй ніхто не жыў.
Паводле сведчанняў відавочцаў, 6 снежня па абедзе ў кватэру Лупача пачалі званіць міліцыянты. Калі пераканаліся, што ўнутры нікога няма, выклікалі «выратавальнікаў» з МНС, якія ўзламалі дзверы. Праз пэўны час міліцыянты выйшлі, а кватэру журналіста апячаталі.
«У кватэры няма нічога асаблівага. Хіба што засталіся дарагія для мяне рэчы, у тым ліку кнігі. Не ведаю, ці знайшлі сярод іх нешта «экстрэмісцкае». Каштоўнай маёмасці, кшталту дарагой бытавой тэхнікі, футраў і брыльянтаў у нас ніколі не было, таму злодзеям асабліва ўзяць там няма чаго», — пракаментаваў здарэнне журналіст, які пасля ад’езду з радзімы цяпер жыве ў Варшаве.
Зміцер Лупач дадаў, што цягам апошніх двух месяцаў ён атрымліваў у Telegram правакацыйныя допісы і нават пагрозы ад незнаёмца пад нікам «Михаил Романов». Той пісаў, каб журналіст «перастаў займацца лухтой» і, «пакуль яшчэ не перайшоў рысу», звяртаўся ў камісію па вяртанні, каяўся і прязджаў у Беларусь. За «пакаянне» нехта «Міхаіл Раманаў» нават абяцаў незалежныму журналісту «амністыю».
@bajmedia
В Беларуси (кажется, впервые) за репост новости «экстремистского формирования» возбудили уголовное дело
07.05.2024
Былое кіраўніцтва «Белсата» абвінавачваюць у фінансавых злоўжываннях
08.07.2024
У праваабарончым асяроддзі маюць панаваць альтруізм і памкненне дапамагаць адно адному, а не канкурэнцыя і змаганне міжсобку — аргкамітэт прэміі
10.12.2023
Вярхоўны суд пакінуў у сіле вырак Настассі Мацяш, асуджанай да двух гадоў зняволення
01.07.2024
