Шведская асацыяцыя журналістаў адправіла калядныя паштоўкі зняволеным беларускім калегам
18 снежня 2023
У Швецыі, у якой свабода выказвання меркаванняў лічыцца адной з галоўных каштоўнасцяў і стаўпом дэмакратыі, апошнія гады з трывогай назіраюць за сітуацыяй са СМІ ў Беларусі. Цяпер мясцовая асацыяцыя журналістаў вырашыла падтрымаць беларускіх калегаў у зняволенні, даслаўшы ім калядныя паштоўкі.
Шведская асацыяцыя нагадвае, што ў месцах зняволення ўтрымліваюцца больш за 30 беларускіх журналістаў, на іх сайце размешчаны спіс імён. Асабіста ўзгадваецца лёс гомельскай журналісткі Ларысы Шчыраковай, якая вымушана была спыніць кар’еру, аднак усе роўна была затрымана і асуджана да трох з паловай гадоў пазбаўлення волі ў калоніі агульнага рэжыму. За кратамі яна сустрэла 50-годдзе.
Таксама скандынаўскія калегі адзначаюць, што БАЖ, які быў прызнаны беларускім рэжымам «экстрэмісцкім фармаваннем», працягвае змагацца за свабоду выказвання меркаванняў і незалежнасць СМІ.
У сваёй заяве савет асацыяцыі запатрабаваў неадкладнага вызвалення журналістаў, якія знаходзяцца пад вартай за сваю дзейнасць. А таксама асудзіў прызнанне БАЖ «экстрэмісцкім фармаваннем». Шведскія калегі патрабуюць, каб у Беларусі былі дазволеныя свабодныя прафсаюзы і іншыя асацыяцыі, якія змагаюцца за свабоду выказвання меркаванняў і правы чалавека.
Чытайце яшчэ:
Шлях да Беларусі ляжыць праз перамогу ва Украіне? Дыскусія пра тое, як утрымаць наш інфармацыйны парадак у свеце
Андрэй Бастунец: Больш за 20 беларускіх медыяарганізацый прызнаныя «экстрэмісцкімі фармаваннямі»
Беларусь згадваецца як адна з трох найбуйнейшых турмаў для журналістаў. «Рэпарцёры без межаў» падрыхтавалі сумную справаздачу
@bajmedia
«TUT.BY — это моя история». Белоруска нашла байку белорусского медиа в контейнере для одежды в Гданьске
26.02.2024
Былыя журналісты БРЦ стварылі новае расследавальніцкае медыя — «Бюро»
08.12.2023
Следчы камітэт распачаў «спецыяльную вытворчасць» супраць кіраўніка «Маланка Медыя» Паўла Марыніча
29.12.2023
Исследование: читателям больше нравятся тексты, написанные людьми
07.11.2024
