«СБ. Беларусь сегодня» зменшыла наклад. Але маніпулятыўна ўдвая завышае рэальную колькасць асобнікаў
25 студзеня 2024
Пільныя чытачы галоўнай лукашэнкаўскай газеты «СБ. Беларусь сегодня» звярнулі ўвагу, што наклад выдання зменшыўся ўпершыню за два гады. Апошнім часам ён складаў 148 989 асобнікаў, а цяпер апусціўся да 142 718 асобнікаў. Падзенне амаль на 5% — у прынцыпе нічога крытычнага ў такіх зменах няма.
Гэта рэальная колькасць друкуемых газет. Частка з іх не прадаецца і пасля адпраўляецца ў макулатуру, але лічбаў спісання ў адкрытым доступе няма.
Але варта нагадаць, што рэдактары «СБ. Беларусь сегодня» па-ранейшаму падманваюць свайго чытача і завышаюць наклад удвая. Чытач газеты можа ўбачыць на апошняй старонцы кожнага выпуску маніпулятыўную фармулёўку «агульны наклад 285 436 асобнікаў».
Адкуль яна ўзялася? У газеце Адміністрацыі прэзідэнта выкарыстоўваюць арыгінальную махлярскую стратэгію. Яны механічна сплюсоўваюць наклад штодзённага выпуску «СБ» (каля 140–145 тысяч асобнікаў у розныя дні) і наклад беларуска-расійскага «Саюз» (згаданыя вышэй 142 718), які ўкладваюць у кожны асобнік «СБ» шточацвер.
Атрыманая лічба «агульнага наклада» дазваляе дэманстраваць уяўную папулярнасць.
Чытайце яшчэ:
Докшыцкая раёнка будзе навучаць блогераў, каб запусціць анлайн-праект у TikТок і Instagram
Дырэктара тэлекампаніі «Гродна» звольнілі за п’яную язду — Hrodna.life
Галоўнай рэдактаркай «Гродзенскай праўды» стала ідэолаг аблвыканкама
@bajmedia
Сілавікі апублікавалі відэа з затрыманай супрацоўніцай медыя, высвятляем яе асобу
16.02.2024
У Вільні адкрылася канферэнцыя, прысвечаная працы беларускіх медыяў
10.09.2024
Каманда Нехта запусціла свой сайт. На ім пакуль няма беларускай павесткі
06.03.2024
Прызначаная дата завочнага суду над праваабаронцам Леанідам Судаленкам
30.05.2024
