Мінінфарм папоўніў «экстрэмісцкі» спіс сайтамі з Брэсцкай вобласці
20 лютага 2024
Чарговае папаўненне адбылося ў Рэспубліканскім спісе экстрэмісцкіх матэрыялаў на сайце Мінінфармацыі. Паводле рашэнняў суда Ленінскага раёна Брэста ад 16 лютага, у гэтым пераліку з’явіліся гарадскія інфармацыйныя сайты: baranovichy.by, luninies.bу, паўторна stolin.by. Заўважыў суд і люстэрка рэгіянальнага сайта «Першы Рэгіён».
Сайт baranovichy.by пазначае сябе як «неафіцыйны, палітычна нейтральны гарадскі інфармацыйны інтэрнэт-партал». Яго ўладальнікі дэкларуюць за мэту — развіццё інфармацыйнай грамадзянскай супольнасці ў Баранавічах і рэгіёне, здольнай да абмену важнай для жыцця горада інфармацыяй, меркаваннямі гараджан.
Сайт luninies.bу на момант трапляння ў «экстрэмісцкі» спіс ўжо не быў дасяжны. Паводле адмыслоўцаў, на ім змяшчаліся міліцэйскія паведамленні пра мясцовыя здарэнні, расклад транспарту і рэкламныя аб’явы.
Што тычыцца сайта stolin.by, то ён прызнаны «экстрэмісцкім» другі раз за некалькі дзён. Упершыню гэта здарылася 13 лютага 2024 года пасля рашэння суда Ленінскага раёна Брэста. Праз тры дні (16 лютага) гэты ж суд зноў надае столінскаму інтэрнэт-рэсурсу, які заблакаваны Міністэрствам інфармацыі, «экстрэмісцкі» статус.
Таксама суд Ленінскага раёна Брэста 13 лютага дадаў ў спіс экстрэмістаў люстэрка сайта «Першы Рэгіён» (1reg.org). Асноўная інтэрнэт-старонка рэгіянальнага выдання «Першы Рэгіён» апынулася ў гэтым пераліку яшчэ ў 2022 годзе.
Чытайце яшчэ:
За кратамі памёр Ігар Леднік — публіцыст і грамадскі актывіст, зняволены па абвінавачанні за «паклёп на прэзідэнта»
Рэдактара «Рэгіянальнай газеты» Аляксандра Манцэвіча перавялі ў івацэвіцкую калонію
Ощущаете выгорание и усталость от работы? Спросили у коллег, как найти силы справиться с этой проблемой
@bajmedia
Симпатизируют России, находятся под санкциями. Посмотрели, кто из провластных медийщиков идет на парламентские и местные выборы
08.01.2024
Комитет защиты журналистов (CPJ): минимум 31 журналист погиб во время войны Израиля и ХАМАС
31.10.2023
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
TГ-каналы DOXA і «Katolik_life. Неафiцыйнае» — у «экстрэмісцкім» спісе
03.09.2024
