Cерыял «Белсату» ўключылі ў конкурс нямецкага фестывалю GoEast
11 красавіка 2024
Паўнафарматная версія стужкі рэжысёра Андрэя Кашперскага «Працэсы» вытворчасці тэлеканала «Белсат» патрапіла ў конкурсную праграму фестывалю GoEast у Вісбадэне, піша Budzma.org.
Кадр з фільма «Працэсы»
GoEast — штогадовы фестываль кіно цэнтральнай і ўсходняй Еўропы, які пройдзе 24–30 красавіка 2024 года ў нямецкім горадзе Вісбадэн.
На сайце фестывалю беларускі праект анансуюць наступным чынам:
«Паўторныя фальсіфікацыі выбараў. Разгон мірных пратэстаў. Адвольнае зняволенне невіноўных. Гэта адпраўныя пункты фільма Андрэя Кашперскага, які адрозніваецца надзвычайнай аператарскай працай. У чатырох серыях сатырычна апісваецца найноўшая гісторыя Беларусі — ад пратэстаў супраць Лукашэнкі ў 2020 годзе да вайны ва Украіне <…>. Гэтая злосная сатыра можа дапамагчы справіцца з сур’ёзнай тэмай».
«Працэсы» будуць спаборнічаць з пятнаццаццю іншымі стужкамі конкурсу. Усе фільмы з праграмы фестывалю 2024 года можна знайсці тут.
29 красавіка поўнафарматную версію серыяла даўжынёй у 100 хвілін можна будзе паглядзець у кінатэатры Caligari, 30 красавіка — у кінатэатры Apollo. Квіткі можна набыць па гэтай спасылцы.
@bajmedia
Сяргей Міхаленка: Беларуская фатаграфія не памерла, яна проста замерла на час
11.04.2024
У Глыбокім журналіста Змітра Лупача публічна абвясцілі «злачынцам»
11.04.2024
Новы кіраўнік «Белсата» Аляксей Дзікавіцкі — пра перамены, цэнзуру, Шылу, рызыку звальненняў і журналістаў-палітвязняў
11.04.2024
«Я так спраўляўся з абсурдам, які мяне атачаў». Рэжысёр Андрэй Кашперскі — пра серыял «Працэсы», жудасныя навіны і выратавальную ролю гумару
04.04.2024
