«Эмацыйныя праекты з беларускім кодам»: Што і калі глядзець на кінафэсце «Паўночнае ззянне»

У лістападзе стартуе беларускі конкурс кінафестывалю «Паўночнае ззянне». Сёлета ў праграме 14 стужак асноўнага конкурсу і 1 стужка ў секцыі «Міждысцыплінарнае мастацтва». З 4 па 21 лістапада гледачы змогуць паглядзець іх анлайн, а таксама на афлайн-сеансах у Таліне, Вільні і Варшаве.

Асаблівасць сёлетняй конкурснай праграмы — малабюджэтныя, але эмацыйна насычаныя праекты з беларускім кодам і на важныя для кожнага беларуса тэмы.

Конкурсныя паказы

«Працэсы» (рэж. Андрэй Кашперскі, 2023, Польшча)

Сатырычная антыўтопія пра абсурднасць сістэмы і ўплыву таталітарнага кантролю, поўнаметражная версія серыяла «Працэсы».

Паказы: 5 лістапада – Вільня; 8, 14, 19 лістапада – анлайн; 20 лістапада — Талін.

«Кроў і караоке» (рэж. Юрый Сямашка, 2023 г., Польшча)

Анімацыйная камедыя пра прыгоды ахоўніка ў свеце крымінала.

Паказы: 6 лістапада – Вільня; 10, 16, 19 лістапада – анлайн.

«Беларусь 23.34» (рэж. Таццяна Свірэпа, 2023, Бельгія, Украіна, Польшча, Беларусь)

Дакументальны фільм пра пратэсты 2020 года, прадстаўлены праз асабістыя гісторыі ўдзельнікаў.

Паказы: закрыты паказ.

«Краіна Оз» (рэж. Яўгеній Чарняўскі, 2024 г., Беларусь)

Фільм пра мастацтва і жыццё ў псіханеўралагічным інтэрнаце.

Паказы: 6, 12, 18 лістапада – анлайн.

«Чамадан» (рэж. Даша Брыян, 2024 г., Польшча)

Кароткаметражны фільм пра псіхалагічнае выпрабаванне эміграцыей і адчуванні дома.

Паказы: 6 лістапада – Вільня; 9, 13, 18 лістапада – анлайн.

«Кут чужога шчасця» (рэж. Соня Харытанюк, 2024 г., Германія)

Псіхалагічная драма пра хатні гвалт.

Паказы: 6 лістапада – Вільня; 7, 15, 20 лістапада – анлайн.

«Выбар» (рэж. Валерый Навічкоў, 2023, Польшча)

Фільм пра выбар, заснаваны на рэальных падзеях.

Паказы: 9, 13, 19 лістапада – анлайн.

«Раб танца» (2024, Беларусь)

Сюррэалістычны скетч на тэму мары і явы, зняты ў стылі 80‑х.

Паказы: 5, 17, 20 лістапада – анлайн.

«Пад шэрым небам» (рэж. Мара Тамковіч, 2024, Беларусь)

Поўнаметражная драма пра выбар паміж свабодай і бяспекай ва ўмовах рэпрэсій.

Паказы: 9 лістапада — Варшава.

«Скрозь святло» (рэж. Вікторыя Ягорава, 2023, Польшча)

Фільм пра беларускую эмігрантку Наталлю, якая пакінула краіну з‑за пераследу пасля ўдзелу ў пратэстах. На новым месцы яна сутыкаецца з сэксуальнымі дамаганнямі.

Паказы: 7, 15, 20 лістапада – анлайн (кругласутачна), 6 лістапада – Вільня.

«Непажаданае сваяцтва» (2024, Германія)

Рэжысёр родам з Беларусі выкарыстоўвае вуліцы свайго берлінскага раёна як фон для даследавання ваенных злачынстваў ва Украіне, адначасова задаючыся пытаннем асабістай адказнасці за тое, што адбываецца.

Паказы: 6 лістапада — Вільня, 20 лістапада — Талін.

«За мяжой рэальнасці» (2024, Беларусь, Расія, Польшча, Украіна)

Фільм жахаў пра паралельны свет на ўскраіне горада. 45-гадовы герой знаходзіць у сваёй паштовай скрыні аўдыёкасету, на якой яго сын распавядае нялёгкую гісторыю свайго жыцця ў праклятым раёне Валынка.

Паказы: 10, 16, 18 лістапада – анлайн, кругласутачна (00:00–23:59).

«Барбі.ру» (2024, Беларусь)

Саркастычная алюзія на папулярны фільм пра Барбі.

Паказы: 10, 16, 18 лістапада – анлайн, кругласутачна (00:00–23:59).

«Шэры край» (рэж. Станіслаў Багдзя, 2023, Польшча)

Медытатыўнае даследаванне памяці і мінулага ў форме кароткага кінападарожжа.

Паказы: 9, 13, 18 лістапада – анлайн.

Пазаконкурсны паказ — секцыя «Міждысцыплінарнае мастацтва»

«Транзіт» (рэж. Аляксей Кузьміч, 2023 г., Беларусь)

Фільм-эксперымент пра жыццё мастака-акцыяніста і яго ўнутраны шлях.\

Паказ: 11, 19 лістапада — анлайн.

Ацэньваць фільмы беларускай праграмы будзе міжнароднае журы, у склад якога ўвайшлі эстонская кінапрадзюсерка Mar­i­anne Ostrat, кінапрадзюсерка і дырэктарка кінафестывалю goEast Heleen Ger­rit­sen, беларуская рэжысёрка і журналістка Ганна Бадзяка.

Падтрымаць каманду фестывалю «Паўночнае ззянне» і набыць квіткі на паказы можна па спасылцы.