Аліна Коўшык прызначана кіраўніцай «Белсата»
15 лістапада 2024
У кіраўніцтве беларускага тэлеканала «Белсат» адбыліся змены. Галоўнай рэдактаркай праекта стала Аліна Коўшык, якая з’яўляецца членам Аб’яднанага пераходнага кабінета Беларусі па пытаннях нацыянальнага адраджэння, паведамляе «Белсат».
Аліна Коўшык, архіўнае фота
Прадстаўніцтва па нацыянальным адраджэнні Кабінета працягне працу. Выконваць абавязкі прадстаўніка будзе намеснік Аліны Коўшык Павел Баркоўскі, пакуль не прызначаны новы прадстаўнік ці прадстаўніца.
Нагадаем, Аліна Коўшык далучылася да Аб’яднанага Пераходнага Кабінета Беларусі ў верасні 2022 года.
Да гэтага яна на працягу 15 гадоў працавала на «Белсаце», у тым ліку ў якасці галоўнай вядучай, рэдактаркі і прадзюсаркі тэлепраграм. Акрамя таго, Аліна Коўшык была сузаснавальніцай Цэнтра Беларускай Салідарнасці ў Варшаве і ІнБелКульт 2.0, а таксама клуба «Беларускі Варшавы».
Па адукацыі Аліна Коўшык – гісторык. Выпускніца Гродзенскага дзяржаўнага ўніверсітэта імя Янкі Купалы, Цэнтра Усходняй Еўропы Варшаўскага ўніверсітэта і праграмы MBA ў сферы медыяменеджменту ў Стакгольмскай школе эканомікі ў Рызе.
@bajmedia
«Кашы можа есці і не скардзіцца» — што вядома пра дырэктара газеты «Беларусы і рынак» Канстанціна Залатых
19.12.2023
Умер художник Василий Почицкий — автор зайцев из «БелГазеты»
07.05.2024
Дзве беларускія раёнкі выдалі артыкулы пра чайлдфры. У іх розныя людзі выказваюць аднолькавыя думкі тымі ж самымі словамі
07.03.2024
У СНД раптам задумаліся пра забеспячэнне правоў журналістаў. Па ініцыятыве Расіі
21.03.2024
