Спыніў працу сэрвіс «Письмо.бел»
9 снежня 2024
Перастаў працаваць сэрвіс для адпраўкі лістоў зняволенным «Письмо.бел», заўважыла «Вясна».
Спыніў працу сэрвіс «Письмо.бел»
Ён перастаў адкрывацца ў Беларусі і за межамі краіны.
12 лістапада 2024 года суд Партызанскага раёну Мінска прызнаў сайт ініцыятывы «Письмо.бел», а таксама яе старонкі ў сацсетках «экстрэмісцкімі матэрыяламі».
«Письмо.бел» — афіцыйна зарэгістраваная арганізацыя, у якой была дамова з «Белпоштай». Сэрвіс быў створаны у 2018 годзе для спрашчэння адпраўкі лістоў і паштовак зняволеным у Беларусі. Карыстальнікі маглі праз вэб-сайт сфарміраваць тэкст, прыкласці фатаграфіі, выбраць паштоўку і аплаціць адпраўку. Толькі частка лістоў адрасавалася палітвязням, асноўнымі атрымальнікамі былі шараговыя зняволеныя.
Праваабаронцы нагадваюць, што адправіць ліст ці паштоўку за краты дагэтуль можна праз Майстэрню паштовак салідарнасці.
Таксама можна дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст.
@bajmedia
У Рызе з’явілася «пустое крэсла» Кацярыны Андрэевай і прагучалі яе творы па-латышску
18.11.2024
У Хельсінкі ўскрылі скрыні з паштоўкамі для беларускіх журналістаў-палітвязняў
04.11.2024
300 кіламетраў у падтрымку палітвязняў: Пілігрымка Аляксандры Мамаевай
01.11.2024
Міліцыянт, які вядзе канал віцебскага ГУБАЗіКа, выпадкова выдаў сябе
11.11.2024
