4 чэрвеня пры ўдзеле БАЖ пройдзе канферэнцыя «Супрацьдзеянне экстрэмізму і правы чалавека»
24 мая 2019
Праваабарончая супольнасць Беларусі занепакоеная адвольным прымяненнем антыэкстрэмісцкага заканадаўства з мэтай абмежавання свабоды меркаванняў і іх выказвання. У апошні час фіксуецца ўсё болей фактаў прыцягнення грамадзян да адміністрацыйнай адказнасці за распаўсюд так званых “экстрэмісцкіх матэрыялаў”, у тым ліку ў інтэрнэце. У большасці выпадкаў гэта з’яўляецца неправамерным і непрапарцыйным абмежаваннем свабоды выказвання меркаванняў.
На гэтую праблему звярнулі ўвагу беларускія праваабаронцы, якія з дапамогаю міжнародных экспертаў і спецыялістаў падрыхтавалі канферэнцыю, у ходзе якой паспрабуюць падрабязна і рознабакова прааналізаваць практыку і заканадаўства ў галіне супрацьдзеяння экстрэмізму суадносна міжнародным стандартам у галіне правоў чалавека.
У ходзе канферэнцыі, якая пройдзе ў ў выглядзе тэматычных панэляў, таксама будзе прадстаўлены сумесны даклад «Супрацьдзеянне экстрэмізму і правы чалавека. Нацыянальнае антыэкстрэмісцкае заканадаўства і правапрымяняльная практыка». Над стварэннем даклада працавалі вядучыя праваабарончыя арганізацыі Беларусі: ПЦ “Вясна”, РГА “БХК”, ГА “БАЖ” і Кансультацыйны цэнтр па актуальных міжнародных практыках і іх імплементацыі ў праве «Human Canstanta».
@bajmedia
КДБ прызнаў «экстрэмісцкімі фармаваннямі» медыі Магілёўшчыны
05.12.2023
Журналистам станет еще труднее получить информацию из-за новых правил обращений в госорганы
27.12.2023
В Беларуси три министерства не смогли закрыть газету с жуткими историями, которую подбрасывают в почтовые ящики
02.05.2024
У Сейме Літвы журналісту Ягору Марціновічу ўручылі прэмію «Надзея Свабоды»
07.12.2023
