8 верасня — Міжнародны дзень салідарнасці журналістаў. Віншуем калег!
7 верасня 2019
Міжнародны дзень салідарнасці журналістаў быў заснаваны ў 1958 годзе ў Бухарэсце падчас кангрэсу міжнароднай арганізацыі журналістаў.
Паводле задумы дэпутатаў кангрэса, у гэты дзень журналісты ўсіх краін і выданняў павінны дэманстраваць свету сваю згуртаванасць, асабліва ў справе абароны правоў. Дата 8 верасня была абраная ў памяць вядомага чэшскага журналіста Юліуса Фучыка, які загінуў у гады Другой сусветнай вайны.
8 верасня 1943 г. у Германіі гітлераўцы пакаралі смерцю чэшскага журналіста Юліуса Фучыка. Ён быў адным з лідараў антыфашысцкага руху Чэхаславакіі. Кнігу «Рэпартаж з пятлёй на шыі», напісаную Фучыкам у турме, з часам перавялі на 70 моў. Напрыканцы ХХ стагоддзя на чарговай канферэнцыі ААН 8 верасня назвалі Міжнародным днём салідарнасці журналістаў. Такім чынам, гэты дзень з’яўляецца не проста чарговым прафесійным святам, але і днём, калі ўсе журналісты могуць адчуць сваё яднанне, салідарнасць.
ГА “Беларуская асацыяцыя журналістаў” віншуе ўсіх сваіх калег з прафесійным святам!
Салідарнасць — гэта дзейная неабыякавасць, гатоўнасць падтрымаць і прыйсці на дапамогу. Часта — адзіны спосаб адстаяць свае інтарэсы.
Будзьма неабыякавымі. Будзьма салідарнымі!
Абвешчаны шорт-ліст “Вольнага слова”. Узнагароджанне — 12 верасня, запрашаем калег!
@bajmedia
Улады ўсё ж узяліся за жудасныя газеты, якія раскідваюць мінчукам. Справай займаюцца сілавікі
12.06.2024
«Каналам будзе кіраваць беларус». TVP патлумачыла змены на «Белсаце»
12.03.2024
Апеляцыйны суд у Бялградзе выслухаў бакі ў справе Андрэя Гнёта. Рашэнне будзе прынятае цягам 30 дзён
27.08.2024
BYSOL адкрыў дабрачынны збор у падтрымку палiтзняволеных беларусак
27.02.2024
