Адміністрацыйную справу супраць Марыны Драбышэўскай спынілі
19 мая 2017
Адміністрацыйную справу па артыкуле 22.9 (парушэнне заканадаўства аб СМІ), якую склалі пасля першамайскага мітынгу ў Гомелі супраць рэгіянальнай карэспандэнткі «Новага Часу» Марыны Драбышэўскай, спынілі.
Пра гэта Марына паведаміла на сваёй старонцы ў Facebook:
— Толькі што ў паштовай скрыні знайшла ліст з чыгуначнага РАУСа, у якім паведамляецца, што адміністрацыйная справа па артыкуле 22.9 ад 1 мая супраць мяне спыненая!
Вельмі цяжка ў гэта паверыць, але атрымліваецца, што цуды здараюцца!!! Дзякуй усім, хто за мяне перажываў і хто не быў абыякавым!
— Я нават не ведаю як пракаментаваць сітуацыю, якая склалася, — кажа Марына. — Гэта невялічкая, але перамога здаровага сэнсу над бязглуздай беларускай сістэмай, для якой правіл не існуе. Практыка паказала, што забраць у пастарунак і скласці пратакол могуць на журналіста любога СМІ, нягледзячы на тое, зарэгістраванае гэта СМІ ці не. На мой погляд, пасля гэтага, магчыма, супрацоўнікі міліцыі пачнуць хаця б глядзець, каго яны забіраюць і на каго складаюць пратаколы. Ну а я буду працаваць на ніве свабоды слова ў родным горадзе і надалей.
@bajmedia
У Хельсінкі ўсталююць паштовыя скрыні для лістоў зняволеным беларускім журналістам
16.07.2024
Запрацаваў сайт-каталог беларускіх відэа на YouTube
02.04.2024
Пасля атакі «Кіберпартызанаў» другі дзень не працуюць сайты «Гомельскай праўды» і «ІнфоБазы»
26.03.2024
Докшыцкая раёнка будзе навучаць блогераў, каб запусціць анлайн-праект у TikТок i Instagram
25.01.2024
