Аказалася, што Google персаналізуе вынікі пошуку нават у рэжыме інкогніта

На практыцы гэта азначае, што спасылкі перамяшчаюцца ўверх ці ўніз або дадаюцца ў вынікі пошуку Google. Такім чынам, утвараецца інфармацыйная бурбалка, заснаваная на алгарытмах Google.

Бурбалка з’яўляецца асабліва згубнай пры пошуку палітычных тэм, таму што нерашучыя і дапытлівыя выбаршчыкі звяртаюцца да пошукавых сістэм, каб даведацца інфармацыю пра кандыдатаў у той крытычны момант, калі яны фармуюць сваё меркаванне па іх. Калі яны атрымліваюць інфармацыю, якая схіляецца ў адзін бок, гэта можа істотна паўплываць на палітычныя вынікі.

Добраахвотнікаў папрасілі ўвесці ў пошукавы радок Google тры запыты на гарачыя сацыяльныя тэмы: кантроль абароту зброі (gun con­trol), іміграцыя (immi­gra­tion) і вакцынацыі (vac­ci­na­tions). У выніку, нават у рэжыме інкогніта былі атрыманы 62 розныя наборы спасылак. Гэтыя разыходжанні нельга патлумачыць зменамі ў месцазнаходжанні, часам, спосабам уваходу ў Google або зменамі алгарытмаў тэставання Google для невялікага падмноства карыстальнікаў.