Акцэнты

Два гады таму, 14 ліпеня, былі затрыманыя старшыня "Вясны" Алесь Бяляцкі, яго намеснік і віцэ-прэзідэнт FIDH Валянцін Стэфановіч, юрыст і каардынатар кампаніі "Праваабаронцы за свабодныя выбары" Уладзімір Лабковіч. Чатыры месяцы таму за праваабарончую дзейнасць у "Вясне" іх асудзілі да жорсткіх тэрмінаў — ад 7 да 10 гадоў зняволення. Трох праваабаронцаў накіравалі адбываць тэрміны ў калоніі на Магілёўшчыны. Да гадавіны затрымання вясноўцаў мы паразмаўлялі з жонкай Алеся Бяляцкага Наталляй Пінчук пра апошнія навіны з калоніі пра праваабаронцу, смерць яго блізкага сябра Алеся Пушкіна і працяг справы мужа, піша ПЦ «Вясна».

Мастака затрымалі 30 сакавіка 2021 году, суд прызначыў яму пакараньне ў выглядзе 5 гадоў пазбаўленьня волі. У канцы 2022 году Пушкіна з калёніі перавялі ў горадзенскую турму,  піша Свабода.

Маладзечанец Кірыл Насякайла пачаў весці відэанавіны ў лістападзе мінулага года. «Адгукнуўся на пазіцыю відэамантажора, але ў выніку прапанаваў сябе ў якасці вядоўцы». У інтэрв’ю Беларускай асацыяцыі журналістаў Кірыл распавёў, чаму не пабаяўся стаць тварам экстрэмісцкага фармавання, якога кантэнту не хапае беларускаму ютубу і як атрымалася дасягнуць добрых праглядаў. 

Нядаўна Мікалай Мамінаў трапіў у скандальную гісторыю з Ryanair — авіякампанія адмовіла яму ў пасадцы на борт самалёта. Мы пагутарылі з журналістам не толькі пра праблемы жыцця і працы ў эміграцыі, але і пра работу на дзяржаўным тэлебачанні, былых калег, а таксама пра беларускую тэму ў замежных медыя.

Каманда «Агенцтва тэлевізійных навін» на дзяржаўным канале «Беларусь 1» адрэагавала на сустрэчу Аляксандра Лукашэнкі з журналістамі 6 ліпеня. Калі ў яго пацікавіліся наконт палітзняволеных, той звыкла адмахнуўся, што ў Крымінальным кодэксе Беларусі няма артыкула за палітычныя злачынствы. Прапагандысты паспяшаліся даказаць гэта «на справе».

Няшмат беларускіх выданняў працуюць з такім фарматам як рассылка. Рэдакцыі выкарыстоўваюць яго ў якасці дадатковага сродку камунікацыі з аўдыторыяй пры блакіроўках і адпісках. Рассылка дапамагае чытачам даведвацца асноўныя навіны і не стамляцца ад іх бясконцай плыні. Навінавыя рассылкі могуць здавацца састарэлым інструментам, лічыць медыяэксперт Паўлюк Быкоўскі, але яны накіроўваюць трафік на сайт і павялічваюць лаяльнасць аўдыторыі. БАЖ спытаў у калег пра досвед працы з фарматам і запісаў парады ад эксперта.