Акцэнты

«Радыё Свабода» п​​​​​​аразмаўляла з беларускай рамесніцай, дэкаратаркай Воляй «Этыкай». Даведалася, як дзяўчына навучылася вышываць, як прыйшла ідэя праекту і чаму зараз важна рабіць беларускае. А таксама распыталі пра арнамэнты, затрыманьне і атмасфэру новага жыцця.

Не толькі ў раманах сем’і распадаюцца «праз палітыку», а сяброў робяць ворагамі адрозныя жыццёвыя прынцыпы. Можа быць, гэта і ваша гісторыя таксама. І яшчэ можа быць, што найлепшае рашэнне ў падобнай сітуацыі – змірыцца і забыць. Але што рабіць, калі забыць не выходзіць: носьбіт агрэсіўна супрацьлеглага меркавання – родны дзядзечка, з якім вы да таго ж дзеліце квадратныя метры, любая бабуля стала ахвярай вар’яцкай прапаганды, а праз тыдзень – сустрэча аднакласнікаў, якія працуюць на сістэму, піша Сойка. Псіхолаг Крысціна Вязоўская дае пару важных парадаў.

Журналіст Алег Груздзіловіч, які правёў дзевяць месяцаў у турме, напісаў кнігу пра свой сумны досвед. Нягледзячы на ўсю драматычнасць тэмы, аўтар прытрымліваецца свайго фірмавага іранічнага стылю і спрабуе ўбачыць прыкметы чалавечнасці нават у вертухаях. Аўтар БАЖ паразмаўляў з калегам пра ідэю, малюнкі і самацэнзуру.