АБСЕ занепакоена мерамі ў дачыненні да незалежных СМІ ў Беларусі і заклікае ўлады вызваліць затрыманых журналістаў
8 жніўня 2018
Прадстаўнік АБСЕ па пытаннях свабоды СМІ Арлем Дэзір выказаў сур'ёзную заклапочанасць у сувязі з затрыманнем журналістаў з партала TUT.BY і інфармацыйнага агенцтва БелаПАН, а таксама ў сувязі з вобшукамі ў рэдакцыях і кватэрах журналістаў.
У заяве АБСЕ адзначаецца, што па меншай меры пяць журналістаў (Марына Золатава, Ганна Калтыгіна, Галіна Уласік, Ганна Ермачонак з TUT.BY і Таццяна Каравянкова з БелаПАН) былі затрыманыя Следчым камітэтам Беларусі па падазрэнні ў «несанкцыянаваным доступе да кампутарнай інфармацыі» дзяржаўнага інфармагенцтва БЕЛТА.
Журналістам пагражае да двух гадоў пазбаўлення волі.
«Занадта непрапарцыйныя меры, што прымаюцца праваахоўнымі органамі ў дачыненні да двух незалежных медыя, выклікаюць сур’ёзную заклапочанасць наконт незалежных СМІ ў Беларусі, — сказаў спадар Дэзір. — Я заклікаю ўлады неадкладна вызваліць усіх затрыманых журналістаў і гарантаваць, што і сродкі масавай інфармацыі могуць працягваць сваю працу без перашкодаў».
Прадстаўнік АБСЕ працягвае ўважліва сачыць за развіццём падзей вакол гэтай справы.
@bajmedia
Чым займаецца экс-вядучая АНТ Вольга Сулімава, якая пераехала з сям’ёй у Лондан?
08.05.2024
Сайт як «дошка ганьбы»: «Пакуль няма легальных механізмаў, каб прыцягнуць вінаватых да адказнасці»
02.10.2024
Почему некоторых бесят феминитивы? Две гипотезы от психотерапевтки
24.09.2024
Саша Раманава: «Цяпер перыяд ахалоджвання да пратэснага парадку дня і пошуку новых аўдыторый і стратэгій»
05.02.2024
