«За год так і не даведаліся, за што канкрэтна была асуджаная Каця…»
5 ліпеня 2023
Муж зняволенай журналісткі Кацярыны Андрэевай распавёў «Народнай Волі» пра апошнія навіны ад жонкі.
Адбывае пакаранне Кацярына ў Гомельскай калоніі.
— Апошнім часам сувязь з Кацяй, дзякуй Богу, нармальная, — распавядае Ігар Ільяш, муж журналісткі. — І лісты даходзяць, і адваката прапускаюць, і тэлефануе дадому з калоніі.
Таксама на мінулым тыдні я без праблем адвез жонцы вялікую харчовую перадачу на 50 кілаграмаў. Такая дазваляецца раз на тры месяцы.
— Перадаеце традыцыйны набор ці жонка нешта просіць адмыслова?
— Часам штосьці просіць, але ў асноўным я фармую перадачу на свой густ. Каўбаса, мяса, рыба, шакалад і цукеркі, пячэнне… І ўсяго гэтага даволі шмат, бо 50 кілаграмаў — гэта 6–7 вялікіх сумак.
Праўда, апошнім разам Каця папрасіла разнастаіць набор прадуктаў, даслаць ёй тое, што яшчэ не спрабавала.
Але трэба адзначыць, што нярэдка сябры перадаюць ёй (у тым ліку і з замежжа) нейкія прысмакі — цукеркі, шакалад. І гэта таксама заўсёды вельмі прыемна і важна для жонкі.
— А кнігі можна дасылаць?
— Нельга, але Каця заўсёды адзначае, што ў калоніі вельмі добрая бібліятэка. Там неблагі выбар кніг, ёсць што пачытаць.
— Як яе здароўе?
— Быццам бы, не скардзіцца. Вясной у яе быў востры алергічны перыяд, але зараз ужо ўсё нармальна.
— 13 ліпеня споўніцца год, як Кацярыне быў вынесены другі прысуд…
— Магу канстатаваць, што за гэты час мы так і не даведаліся, за што канкрэтна была асуджаная Каця, і за што ёй далі такі вялізны тэрмін зняволення.
Кацярына Андрэева разам з Дар’яй Чульцовай былі затрыманыя 15 лістапада 2020 года. Яе асудзілі на два гады зняволення ў калоніі агульнага рэжыму.
Кацярына павінна была выйсці на волю 5 верасня 2022 года, аднак 7 красавіка сям’і журналісткі стала вядома, што ёй выставілі новае абвінавачанне. Жорсткае. 13 ліпеня 2022 года Гомельскі абласны суд прысудзіў Кацярыне 8 гадоў і 3 месяцы калоніі за «здраду дзяржаве».
Читайте еще:
Журналіст Караль Гусеніца: Падзеі ў Беларусі ў 2020-ым былі важныя для палякаў праз агульнага ворага — Расію
Івулін прайграў заклад і пазваніў Мукавозчыку — папрасіцца на працу ў «СБ» і вярнуцца ў Беларусь
«Калі журналіст будзе рабіць два вялікіх якасных матэрыялы на месяц, яму на хлеб не хопіць». Гутарка з рэжысёркай Ксеніяй Галубовіч
@bajmedia
«Шпіцыяльны погляд на Беларусь і беларусаў»: размова з аўтарам новага відэапраекту «Пол первого»
04.12.2023
«Кажуць людзі сёння, што на свеце свабода». Пра што беларусы Беластока пісалі ў газеты 90 гадоў таму
22.04.2024
«Стан журналіста залежыць ад стану яго рэдакцыі». Барыс Гарэцкі — пра праблемы медыяў у эміграцыі
12.02.2024
Культура ў эміграцыі: ці захавала яна беларускія карані і ці можна за кошт гэтага жыць?
21.10.2023
