«Білі галавой аб сцяну і падлогу, лыжкай расціскалі зубы»: затрыманы рэдактар «Рэальнага Брэста»
29 сакавіка 2017
У аўторак Ленінскім РАУС Брэсцкага аблвыканкама быў затрыманы індывідуальны прадпрымальнік, рэдактар партала «Рэальны Брэст» Дзяніс Марук. Дзяніс рабіў рэпартажы з маніфестацый «недармаедаў». На адной з акцый ён паказаў сярэдні палец чалавеку ў цывільным, які здымаў яго на камеру.
«Мне свецяць «суткі» за непрыстойны жэст на адрас супрацоўніка міліцыі, — расказаў «Нашай Ніве» Марук. — Але пачакайце, які ж ён супрацоўнік міліцыі, калі ён быў без знакаў адрозненняў?»
Дзяніс быў не згодны з выстаўленым яму абвінавачваннем, якое патрабавалі падпісаць. Пасля гэтага, сцвярджае ён, яго пачалі жорстка збіваць.
«Каб захаваць свае відэаматэрыялы я засунуў флэшку ў рот. Мяне пачалі біць яшчэ больш жорстка, аб падлогу, па нагах, па нырках. Засунулі нейкую брудную лыжку ў рот, спрабуючы выцягнуць флэшку, парвалі ўсю вопратку».
Толькі калі ў кабінет зайшоў нехта з начальства, з рэдактарам партала пачалі размаўляць спакойным тонам, расказаў Марук «Нашай Ніве».
«Мне сказалі, што на першы раз мяне даруюць і выпісалі штраф: дзве базавыя велічыні за дробнае хуліганства. Аднак я не збіраюся пакідаць гэта проста так. Цяпер буду здымаць пабоі. Я не аспрэчваў тое, што паказаў чалавеку ў цывільным сярэдні палец. Але за што ж збіваць мяне?» — абураецца ён.
У той жа час у Ленінскім РАУС Брэста «Нашай Ніве» паведамілі, што да іх такі грамадзянін не паступаў.
@bajmedia
Яўгена Меркіса, якога нядаўна этапавалі ў Шклоўскую калонію, будуць зноў судзіць
25.09.2023
Мининформ разрешил «пиратский» показ матчей Лиги наций и товарищеских матчей сборной по футболу
07.06.2024
«Каналам будзе кіраваць беларус». TVP патлумачыла змены на «Белсаце»
12.03.2024
BYSOL адкрыў дабрачынны збор у падтрымку палiтзняволеных беларусак
27.02.2024
