Блогеру Пятрухіну збіраюць грошы на выплату штрафу і кампенсацый супрацоўнікам міліцыі

Нагадаем, 18 красавіка суд Ленінскага раёна Брэста прызнаў блогера вінаватым у парушэнні двух артыкулаў Крымінальнага кодэкса — “Паклёп” (ч. 2 арт. 188) і “Абраза” (ч. 2 арт. 189).

Паводле рашэння суддзі Аляксандра Семянчука, Сяргей Пятрухін мусіць сплаціць  у даход дзяржавы штраф памерам 360 базавых велічынь, гэта 9 180 рублёў. Таксама цягам месяца блогер павінен пакрыць маральную шкоду пацярпелым супрацоўнікам міліцыі (агулам на 7 500 рублёў)  і выдаткі на адваката.

Збор сродкаў для блогера пачаўся на платформе MolaM­o­la.

Пасля абвешчанага прысуду ва ўпраўленні ўнутраных справаў Брэсцкага аблвыканкама заявілі, што грошы, якія пералічыць Пятрухін супрацоўнікам міліцыі, яны ахвяруюць падшэфным дзіцячым дамам.