Белпошта не адправіла падпісчыкам нумар «Народнай Волі»
26 жніўня 2020
Прэс-служба ГА "Беларуская асацыяцыя журналістаў"
Рэдакцыя газеты «Народная Воля» падрыхтавала чарговы нумар, яго надрукавалі ў маскоўскай тыпаграфіі і прывезлі ў Беларусь. Нумар учора аддалі ў экспедыцыю, на «Белпошту». Чакалася, што сёння газета з'явіцца ў кіёсках і ў падпісчыкаў. Але гэтага не адбылося.
«Белпошта» тлумачыць гэта тым, што рэдакцыя запозна здала нумар, таму газета не дайшла да падпісчыкаў па яе віне.
«Мы сёння вырашаем пытанне, каб дастаўляць газету ў тэрмін. Мы настойваем на тым, каб нумар адправілі падпісчыкам, бо яны за гэта заплацілі. Не мы стварылі гэтую сітуацыю, сітуацыю стварыла ўлада і беларускі Дом друку”, — распавяла Марына Коктыш, намесніца рэдактара “Народнай Волі”.
Рэдакцыя будзе выстаўляць юрыдычныя прэтэнзіі да «Белпошты».
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
Ці сапраўды карыстанне сацыяльнымі сеткамі выклікае прывыканне? Даследчыкі падзяліліся новымі высновамі
16.11.2023
В Гомеле лояльные блогеры были вынуждены удалить все видео с критикой властей
14.01.2024
Прысуд рэдактару «Рэгіянальнай газеты» Аляксандру Манцэвічу пакінулі без зменаў
23.01.2024
«Мне радасна, што я сыходжу на піку». Кацярына Пытлева развіталася з камандай «Маланкі»
02.02.2024