Блогера Ціханоўскага затрымалаі па дарозе ў Мінск і арыштавалі на 15 сутак. ВІДЭА
27 снежня 2019
Раніцай 27 снежня на трасе М5 каля вёскі Лебядзёўка супрацоўнікі Жлобінскай ДАІ затрымалі блогера Сяргея Ціханоўскага. На YouTube ён мае свой канал “Страна для жизни”.
Праз стрым блогер паведаміў, што ехаў у Мінск на здымкі на аўмашыне “Рэно”, якая належыць сябру.
“Капітан ДАІ заявіў, што аўтамабіль аб’яўлены Веткаўскім РАУС у вышук, — расказаў Ціханоўскі. — Мне прапанавалі ехаць у аддзел міліцыі на экспертызу. Я адмовіўся. Тут два экіпажы ДАІ і цывільная машына, у якой сядзяць людзі ў міліцэйскай форме. Калі ёсць прэтэнзіі, можна зрабіць агляд і на трасе. Але ніхто пад капот не заглядваў, каб праверыць хоць бы нумар кузава аўтамабіля. Мяркую, гэта спланаваная акцыя супраць блогераў, бо ў Мінску, як перадалі, затрымалі таксама блогера МozgON».
Сваё затрыманне Сяргей Ціханоўскі звязвае найперш са здымкамі пратэстаў супраць інтэграцыі Беларусі і Расіі, якія праходзілі нядаўна ў Мінску. Ён паведаміў, што ўчора позна ўвечары атрымаў sms з патрабаваннем з’явіцца сёння ў суд Савецкага раёна Гомеля, дзе мелася разглядацца адміністрацыйная справа паводле артыкула 23.34 — «Парушэнне парадку арганізацыі і правядзення масавага мерапрыемства».
На паведамленне суда блогер адказаў, што не зможа прыехаць у суд, бо на 27 снежня ў яго запланавана камандзіроўка ў Мінск.
У выніку Ціханоўскага прывезлі ў суд Савецкага раёна Гомеля. Суддзя Алена Шайн за ўдзел у акцыі супраць інтэграцыі з Расіяй арыштавала Сяргея Ціханоўскага на 15 сутак.
Дзясяткі падпісчыкаў прыйшлі падтрымаць блогера «Краіна для жыцьця» ў ДАІ. ФОТА
@bajmedia
Блогера Уладзіміра Цыгановіча, ужо асуджаннага на 16 гадоў, зноў будуць судзіць
23.11.2023
TikTok-старонка «baj.bу» — у новым папаўненні «Спіса экстрэмісцкіх матэрыялаў»
13.10.2023
На гродзенскую журналістку падалі заяву ў міліцыю героі яе публікацыі
21.01.2024
В эфире ОНТ назвали цифру уехавших беларусов, у которых власти собираются конфисковать квартиру или дом
17.06.2024
