Дырэктара газеты «Белорусы и рынок» Канстанціна Залатых дадалі ў «спіс экстрэмістаў»

21 ліпеня МУС дадала ў спіс «Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці» новыя прозвішчы. Сярод іх з’явілася і імя дырэктара газеты «Белорусы и рынок» Канстанціна Залатых. Да гэтага 13 ліпеня Камітэт дзяржаўнай бяспекі Беларусі дадаў медыяменеджара ў пералік арганізацый і фізічных асоб, нібыта датычных да «тэрарыстычнай дзейнасці». 

Канстанцін Залатых — дасведчаны медыйны менеджар і вытворчы адміністратар, супрацоўнічаў з вядучымі незалежнымі СМІ і буйнымі дзяржаўнымі прадпрыемствамі.  

Апошнім месцам працы была газета «Белорусы и рынок» — адно з рэдкіх выданняў, якой здолела захавацца пасля масавых рэпрэсій супраць недзяржаўных рэдакцый.  

23 ліпеня 2022 года доступ да сайта газеты ў Беларусі быў заблакаваны Міністэрствам інфармацыі «з прычыны распаўсюду гіперспасылак на матэрыялы, прызнаныя судом экстрэмісцкімі». А на пачатку снежня пасля 32 гадоў дзейнасці рэдактарат абвясціў, што праз складаныя фінансавыя і палітычныя ўмовы прыпыняе выхад як друкаванай, так і электроннай pdf-версіі. Выдання няма ў каталогу «Белпошты» на першую палову 2023-га.

Пры гэтым літаральна следам Міністэрста інфармацыі нечакана выдала распараджэнне аб аднаўленні доступу да сайта belmarket.by — тут інфармацыйны кантэнт абнаўляецца.   

6 красавіка 2023 года суддзя Алена Шылько пакарала Канстанціна Залатых сукупна 4 гадамі калоніі агульнага рэжыму.    

Чытайце яшчэ: 

Ён быў першым з беларускіх журналістаў, які стаў персанальным ворагам рэжыму. Сем гадоў з забойства Паўла Шарамета

Блізкія журналісткі Ксеніі Луцкіной збіраюць дакументы на прашэнне аб памілаванні

Экс-журналиста СТВ и его жену приговорили к 3 годам «домашней химии»