Мінінфармацыі распрацавала палажэнне аб ідэнтыфікацыі каментатараў на форумах
5 верасня 2018
На абмеркаванне не запрасілі ні БАЖ, ні TUT.BY, ні Onliner.
Каб пісаць каментары ў інтэрнэце, давядзецца пакідаць свой нумар тэлефона ПРАЕКТ ПАСТАНОВЫ
4 верасня ў Міністэрстве інфармацыі адбылося пасяджэнне Грамадска-кансультацыйнага савета па развіцці прадпрымальніцтва, на якім абмяркоўваўся праект пастановы Савета Міністраў “Аб зацвярджэнні Палажэння аб парадку папярэдняй ідэнтыфікацыі карыстальнікаў інтэрнэт-рэсурсу”.
Пастанова распрацаваная ў працяг прынятых паправак у Закон “Аб СМІ”, якія мусяць уступіць у сілу 1 снежня бягучага года. Менавіта гэта пастанова і будзе вызначаць парадак таго, як інтэрнэт-сайты павінны ідэнтыфікаваць каментатараў на сваіх форумах.
Падчас пасяджэння быў абмеркаваны і праект пастановы Савета Міністраў “Аб пытаннях распаўсюду прадукцыі замежнага сродку масавай інфармацыі і ўнясенні зменаў у некаторыя пастановы Савета Міністраў”.
На абмеркаванне праектаў пастаноў не запрасілі зацікаўленых суб’ектаў — прадстаўнікоў Беларускай асацыяцыі журналістаў, TUT.BY і Onliner. Хоць прадстаўнікі гэтых арганізацыі раней выказвалі жаданне і ўдзельнічалі ў абмеркаванні зменаў заканадаўства аб медыя ў Палаце прадстаўнікоў.
У склад Грамадска-кансультацыйнага савета пры Міністэрстве інфармацыі ўваходзяць Аляксандр Карлюкевіч, Павел Лёгкі, Вадзім Гігін, Уладзімір Рабаволаў і іншыя чыноўнікі Мінінфарма, прадстаўнікі Белтэлерадыёкампаніі, рэдакцыі газеты “Советская Белоруссия” і іншыя.
Як паведамляецца на сайце міністэрства, праекты пастаноў былі адзінагалосна ўхваленыя ўсімі прысутнымі на пасяджэнні.
У адказ на гэта ГА “Беларуская асацыяцыя журналістаў” рыхтуе пісьмовы зварот у Міністэрства інфармацыі з просьбай прадаставіць для азнаямлення праекты згаданых пастаноў і ўключыць прадстаўнікоў журналісцкай супольнасці ў склад рабочай групы па распрацоўцы гэтых дакументаў.
Мінінфарм абяцае адмяніць абавязковы 5‑гадовы стаж для рэдактараў медыя
Замечания и предложения БАЖ по поводу поправок в закон о СМИ
Поправки в Закон о СМИ: регистрация интернет-изданий, идентификация комментаторов, блокировка соцсетей
Проблемы СМИ в Беларуси: что, где, куда
@bajmedia
Ініцыятыву дапамогі палітвязням прызналі «экстрэмісцкім фарміраваннем» — у тым ліку сайт politzek.me і афіляваныя з ім сацсеткі
03.04.2024
З’явіўся анлайн-слоўнік адпаведнікаў з рускай мовы. Ён змяшчае больш за 77 тысяч слоў і ўстойлівых выразаў
26.12.2023
Мінінфарм чытае пра сябе і дзяржСМІ ў незалежных медыях. Справаздачу выпадкова апублікавалі
25.06.2024
«Самое зависимое медиа в мире». Маргарита Левчук представила новый сатирический проект
29.11.2023
