NEXTA: Чудзянцоў мае дачыненне да фільма «Лукашэнка. Крымінальныя матэрыялы»

Як сцвярджае Сцяпан, 90% фільма ён рабіў сам, а астатнія 10% яму дапамагалі журналісты, сярод якіх і Уладзімір Чудзянцоў.

Таксама Чудзянцоў дапамагаў Сцяпану з рэдактурай тэкстаў для канала NEXTA. «Бясплатна, па сваёй волі», — запэўнівае Пуціла.

Журналіст Уладзімір Чудзянцоў быў затрыманы 21 лістапада быў на пункце пропуску Брэст — Цярэспаль.

Яго маці Ніна Зуева расказала журналістам, што сын ехаў цягніком у Варшаву, дзе знайшоў працу. А калі, маўляў, выйшаў у прыбіральню, мытнікі знайшлі ў яго ў сумцы пакецік з наркатычным рэчывам. «Пасля адразу правялі ператрус у нас дома ў Мінску. Тут таксама знайшлі некалькі пакетаў», — патлумачыла жанчына.

Журналіст Чудзянцоў у брэсцкім СІЗА, у яго кватэры знайшлі невядомае рэчыва ВІДЭА

Уладзімір Чудзянцоў займаецца журналістыкай з 1990‑х. Тады ён займаўся пралукашэнкаўскай прапагандай. З цягам часу, змяніўшы прозвішча, уладкаваўся на Tut.by. Пасля звальнення заснаваў клікбэйтны сайт by24.org, заняў радыкальную антырасійскую пазіцыю.

Самыя важныя навіны і матэрыялы ў нашым Тэлеграм-канале — падпісвайцеся!