Прадстаўнік АБСЕ заклікаў неадкладна вызваліць арыштаваных у Беларусі журналістаў

«Мяне трывожаць затрыманні і арышты журналістаў Міхаіла Аршынскага, Змітра Лупача, Алеся Асіпцова, Аляксандра Буракова за іх меркаваны ўдзел у несанкцыянаваных акцыях, — адзначыў Арлем Дэзірэ. — У журналістаў павінна быць магчымасць інфармаваць пра падзеі, якія маюць інтарэс для грамадства, у тым ліку і пра грамадскія пратэсты. Я вельмі занепакоены рашэннем, якое парушае свабоду СМІ».

11 мая суды ў Магілёве і Глыбокім пакаралі адміністрацыйнымі арыштамі Міхаіла Аршынскага і Змітра Лупача. Абодва асвятлялі сустрэчы з гомельскім блогерам youtube-каналу «Страна для жизни» Сяргеем Ціханоўскім.

У судзе Лупачу стала кепска, яго шпіталізавалі з гіпертанічным крызам, ён знаходзіцца ў рэанімацыі.

12 траўня ў Магілёве вынеслі пастановы аб арышце на 10 сутак Аляксандру Буракову, які супрацоўнічае з Deutsche Welle, і пазаштатнаму карэспандэнту БелаПАН Алесю Асіпцову, які абвясьціў галадоўку пратэсту.

Буракова абвінавацілі ва ўдзеле ў несанкцыянаванай акцыі 6 траўня каля ізалятара часовага ўтрымання ў Магілёве, Асіпцова — ва ўдзеле ў сустрэчы з Ціханоўскім.

Суд Ленінскага раёна Магілёва 12 мая пакараў журналіста Міхаіла Аршынскага 11 суткамі арышту, абвінаваціўшы ў парушэнні артыкула 22.34 КаАП Беларусі (удзел у несанкцыянаваным масавым мерапрыемстве).

Такім чынам Міхаіл правядзе ў ІЧУ агулам 21 дзень — напярэдадні, 11 мая, журналісту прысудзілі 10 сутак арышту нібыта за ўдзел у несанкцыянаваным сходзе.

Открыт сбор средств для арестованных журналистов. Присоединяйтесь!

У блогера Аляксандра Кабанава выяўлены COVID-19, яго калега Сяргей Пятрухін з ізалятара таксама трапіў у бальніцу

Журналісты Швецыі і Нарвегіі выказваюць салідарнасць з затрыманымі ў Беларусі калегамі