У фрыланс-журналіста з Бярозаўкі забралі камп’ютар і прынтар
20 жніўня 2015
19 жніўня ў Бярозаўцы (Гродзенская вобласць, Лідскі раён) два супрацоўнікі міліцыі ў цывільным правялі ператрус у кватэры, дзе жыве журналіст-фрылансер Юрый Дзяшук. Міліцыянты перабралі паперы ў яго дома, а таксама забралі камп’ютар і стары прынтар, які знаходзіўся ў непрацоўным стане.
Юрый Дзяшук
Паводле міліцыянтаў, ёсць падазрэнні, што Дзяшук можа мець дачыненне да флэшмобу ў Бярозаўцы 25 ліпеня 2015 года. Санкцыю на ператрус даў раённы пракурор у межах расследавання крымінальнай справе па факце правядзення флэш-мобу.
У той дзень каля транспартнай прахадной шклозавода “Нёман” нехта склаў аўтамабільныя пакрышкі і раскідаў улёткі. Невядомыя пакінулі побач бутэлькі з невядомай вадкасцю і запалілі дымавыя шашкі. Акцыя была звязаная са з’яўленнем на шклозаводзе вытворчасці новай шклаваты, для якой выкарыстоўваюць шкодныя рэчывы.
За апошні тыдзень Юры Дзяшук стаў сёмым жыхаром Бярозаўкі, у якога супрацоўнікі міліцыі правялі дома ператрус.
У 2014 годзе пракуратура Лідскага раёна вынесла яму папярэджанне пра недапушчальнасць парушэння заканадаўства аб СМІ (праца без акрэдытацыі на замежныя СМІ і публікацыя неправеранай інфармацыі).
@bajmedia
Папаўненне «экстрэмісцкага спісу» Мінінфарма: шэраг украінскіх інтэрнэт-рэсурсаў, акаўнт Франака Вячоркі, «Вечерний Жлобин»
07.08.2024
Мининформ приостановил деятельность типографии Беларусского общества инвалидов
15.10.2024
Проект журналистки Евгении Долгой «Политвязынка» в Instagram атаковали боты
23.01.2024
Лідская раёнка заблюрыла на фота вопратку наведвальніка на прыёме старшыні райвыканкама — меркавана там быў амерыканскі сцяг
05.01.2024
