У інтэлектуальным клубе Алексіевіч выступіла літоўская пісьменніца Рута Ванагайтэ (фота, відэа)
2 сакавіка 2017
Рута Ванагайтэ напісала кнігу Mūsiškiai ("Нашы") пра забойства габрэяў у Літве. У Літве падчас вайны было забіта больш за 200 000 габрэяў. Цяпер вядома пра 227 месцаў масавых пахаванняў забітых. Кніга Руты Ванагайтэ сустрэла неадназначную ацэнку ў грамадстве — адны яе хвалілі, а іншыя наадварот ганьбілі і пыталіся ў аўтаркі, за колькі яна прадалася Пуціну, габрэям...
Суразмоўцам літоўскай пісьменніцы быў беларускі даследчык Аляксей Літвін, загадчык аддзелу ваеннай гісторыі і міждзяржаўных адносін Інстытуту гісторыі Нацыянальнай акадэміі навук.
Сёння, дарэчы, спаўняецца 75 год масавым растрэлам у габрэйсікм гета ў Мінску.
«Гэта наш маленькі ўнёсак супраць знікнення памяці, супраць улады, якая не хоча пра гэта гаварыць, супраць абывацельскага погляду», — сказала Святлана Алексіевіч, характарызуючы сустрэчу з пісьменніцай, якая не пабаялася закрануць такую складаную тэму як забойства невінаватых людзей суграмадзянамі.
Нобелеўская ляўрэатка Святлана Алексіевіч у інтэрвію «Радыё Свабода» назвала шэраг гасцей, якія маюць удзельнічаць у будучых пасяджэннях яе інтэлектуальнага клубу ў Мінску.
Сярод названых ёй імёнаў нямецкая пісьменніца Герта Мюлер, якая ў 2009 годзе атрымала Нобелеўскую прэмію ў галіне літаратуры, амерыканскі гісторык Цімаці Снайдэр, расійскі кінарэжысёр Аляксандр Сакураў, францускі кінарэжысёр Ян Арцюс-Бэртран, расійская нейралінгвістка Тацяна Чарнігоўская.
Пазней на сайце з’явіцца тэкставая версія сустрэчы.
Відэа «Радыё Свабода»
@bajmedia
Дзяніс Івашын даслаў з‑за кратаў паштоўку і абяцае хутка лісты
14.08.2024
Аляксандр Івулін запусціў новы праект на YouTube
01.02.2024
Блогера Уладзіміра Цыгановіча, ужо асуджаннага на 16 гадоў, зноў будуць судзіць
23.11.2023
Пракуратура Брэсцкай вобласці пахвалілася, колькі інфармацыйных рэсурсаў прызналі «экстрэмісцкімі»
19.10.2023
