Дадзеныя 49 мільёнаў карыстальнікаў Instagram трапілі ў адкрыты доступ

Паводле інфармацыі выданьня, гаворка ідзе пра ўліковыя запісы зь вялікай колькасьцю падпісантаў, на старонках якіх разьмяшчалася рэкляма. Сярод іх нібыта ёсьць акаўнты славутых людзей, папулярных блогераў і брэндаў.

Дадзеныя гэтых карыстальнікаў трапілі ў базу індыйскай кампаніі, якая займалася продажам рэклямы ў Insta­gram. Яе супрацоўнікі захоўвалі інфармацыю пра карыстальнікаў у сеціве, стварыўшы ўліковы запіс без паролю ў Ama­zon Web Ser­vices. Апісаньне кожнага акаўнта суправаджалася коштам разьмяшчэньня на ім рэклямы.

Сярод дадзеных, якія трапілі ў адкрыты доступ, ёсьць як агульнадаступная інфармацыя (колькасьць падпісчыкаў, вэрыфікацыя, краіна пражываньня ўладальніка акаўнта), так і асабістыя зьвесткі (адрасы электроннай пошты і нумары тэлефонаў уладальнікаў).

У Techcruch сьцьвярджаюць, што зьвярнуліся да кампаніі, якая разьмясьціла інфармацыю, пасьля чаго тая закрыла доступ да базы дадзеных.

У красавіку акцыянэры кампаніі Face­book, якой належыць Insta­gram, заклікалі кіраўніка праўленьня Марка Цукербэрга пайсьці ў адстаўку. На іх думку, цэны акцый Face­book на біржы ўпалі ў тым ліку ад скандалаў з уцечкай асабістых зьвестак карыстальнікаў сацыяльнай сеткі.