Дар’ю Чульцову паставілі ў турме на прафілактычны ўлік

Раней журналістку Кацярыну Андрэеву ў жодзінскай турме паставілі на прафілактычны ўлік як асобу, «схільную да экстрэмізму і іншых дэструктыўных дзеянняў».

У сярэдзіне сакавіка Дарʼю і Кацярыну этапавалі ў жодзінскае СІЗА.

Кацярыну Андрэеву і Дарʼю Чульцову асудзілі на два гады калоніі агульнага рэжыму толькі за тое, што яны 15 лістапада 2020 года зладзілі стрым з плошчы Пераменаў. Журналістак абвінавацілі ў тым, што яны нібыта бралі актыўны ўдзел у «групавых дзеяннях, што груба парушаюць грамадскі парадак», і нават кіравалі імі, што пацягнула за сабою парушэнне працы грамадскага транспарту.