Давыдзька хацеў стварыць тэлеканал «Белай Русі», але Міністэрства інфармацыі не дазволіла
30 жніўня 2019
«Белая Русь» на чале з Генадзем Давыдзькам хацела заснаваць сваё тэлебачанне. Пра гэта паведаміў тэлеграм-канал «Папаратар».
«Генадзь Давыдзька спрабаваў стварыць «Белая Русь ТБ», платформай для яго меўся стаць расійскі «5 канал», — сцвярджае канал. Але, маўляў, нічога не атрымалася.
Ці сапраўды Давыдзька меў такую ідэю і чым яна скончылася?
«Мы хацелі б мець канал, але Міністэрства інфармацыі не зарэгістравала — узважвалі, вырашалі, былі прэтэнзіі. А потым мы ўжо самі адмовіліся. Адносна «Пятага канала»… Былі розныя варыянты. Мы шукалі платформу, але хацелі ўсё ж самастойны канал зрабіць — на гэта патрэбны грошы. Словам, мы падумалі і вырашылі засяродзіцца на інтэрнэт-магчымасцях. Будзем развіваць свой сайт», — сказаў «Нашай Ніве» Давыдзька.
Ён спадзяецца, што сайт «Белай Русі» ўдасца манетызаваць, калі зрабіць з яго «платформу для дыскусій і абмеркавання праблемных кропак грамадства».
Як вядома «Нашай Ніве», фармальнай прычынай нерэгістрацыі канала «Белай Русі» стала «памылка ў дакументах».
@bajmedia
Журналісту Дзянісу Івашыну не дазволілі патэлефанаваць родным
04.03.2024
Папаўненне «экстрэмісцкага спісу» Мінінфарма: Telegram-каналы самвыдата, старонкі belaruseconomy і belstudentstvo ў Instagram
21.08.2024
У Аляксандра Корнышава зноў правялі ператрус і распытвалі пра «Витебский курьер news»
24.05.2024
Мининформ ограничил доступ к сайту baranovichi24.by из-за ссылки на «экстремистское» СМИ — Медиазона
21.06.2024
