«Для „палітычных“ у ізалятары асаблівыя ўмовы». Журналіст Павал Дайлід выйшаў на волю пасьля 72 гадзін за кратамі
11 ліпеня 2022
Паўла Дайліда затрымалі ў Івацэвічах 7 ліпеня, як ён сам расказаў Свабодзе, за апублікаваны ў сацыяльнай сетцы «ВКонтакте» фатаздымак зь бел-чырвона-белым сьцягам, што сілавікі расцанілі як «пікетаваньне». Па словах журналіста, у суд ягоную справу пакуль не дастаўлялі.
Пасьля свайго выхаду на волю Дайлід расказаў, што для «палітычных» зьняволеных у ІЧУ стваралі нечалавечыя ўмовы ўтрыманьня, таму журналіст зьбіраецца ў хуткім часе напісаць скаргу ў пракуратуру.
«Для нас, „палітычных“, стварылі „асаблівыя ўмовы“ ў ізалятары Івацэвіцкага РАУС — не выдавалі матрацаў, сродкаў асабістай гігіены, не прыносілі прыкурыць раз на гадзіну, як у іншыя камэры. Яркае сьвятло ў нашай камэры гарэла ўсю ноч. Уначы два разы будзілі палітычных. З камэры выводзілі толькі ў кайданках.
Пры гэтым з намі быў крымінальнік, які ўжо асуджаны на 8 гадоў, але яшчэ ў нейкай справе ў ІЧУ трымаюць. То ў яго быў і матрац, і кайданкі яму не накідалі пры выхадзе на ранішні агляд».
Павал Дайлід — незалежны журналіст. Ён супрацоўнічаў з рознымі недзяржаўнымі выданьнямі, неаднаразова трапляў пад рэпрэсіі.
@bajmedia
Глыбоцкія следчыя праз мясцовую газету паведамілі пра крымінальную справу на журналіста Змітра Лупача
27.05.2024
У «Прэсбола» з’явіўся новы галоўны рэдактар
22.12.2023
Сацсеткі «Аршанскай газеты» змясцілі паклёпніцкі допіс пра Ігара Казмерчака — рэдактара orsha.eu
30.07.2024
Галоўную рэдактарку газеты «Мозырский нефтепереработчик» асудзілі за «экстрэмізм»
11.07.2024
