Фатограф Уладзь Грыдзін выйшаў на волю пасьля 13 дзён арышту
17 лютага 2022
7 лютага былога фотакарэспандэнта Свабоды асудзілі на 13 сутак арышту. Цяпер Уладзь Грыдзін на волі.
7 лютага ў судзе Фрунзэнскага раёну Менску разгледзелі справу Ўладзя Грыдзіна паводле артыкулу 24.3 «Непадпарадкаваньне законнаму распараджэньню або патрабаваньню службовай асобы пры выкананьні ёй службовых паўнамоцтваў». Судзьдзя Тацяна Палулех вынесла вырак — 13 дзён арышту. Фатографа абвінавацілі ў тым, што 4 лютага 2022 году падчас правядзеньня ператрусу па вуліцы Ігнатоўскага ён нібыта «не падпарадкаваўся законным распараджэньням супрацоўніка ГАУС Менгарвыканкаму Сазонава, не пускаў у кватэру».
Уладзь Грыдзін працаваў фотакарэспандэнтам Радыё Свабода, пакуль 29 жніўня 2020 году ўлады не пазбавілі акрэдытацыі яго і яшчэ траіх нашых журналістаў.
У верасьні 2020 году Грыдзіна затрымалі падчас выкананьня журналісцкіх абавязкаў, ён адседзеў 11 дзён у турме на Акрэсьціна.
Уладзь быў пераможцам і прызэрам конкурсу Belarus Press Photo, яго здымкі публікавалі сусьветныя агенцтвы і СМІ.
Рэпрэсіі супраць журналістаў у 2022 годзе (табліца, спіс зняволеных)
@bajmedia
Святлана Ціханоўская ўзнагародзіла «Белсат» Знакам гонару дэмакратычных сілаў
08.01.2024
Не даць забыць пра Беларусь. Прадстаўнікі БАЖ у Хельсінкі прымуць удзел у адкрыцці выставы пра зняволеных калег
08.08.2024
У Магілёве затрымалі блогера і журналіста Алеся Сабалеўскага
13.12.2023
На журфак БДУ сёлета «конкурс» — менш за 1,1 чалавека на месца
19.07.2024
