ГА «БАЖ» запрашае на сустрэчу з аўтарамі шведскага падручніка для журналістаў-фрылансераў!
8 мая 2016
Прэс-служба ГА "Беларуская асацыяцыя журналістаў"
Шведскія журналісты-фрылансеры Фрэдрык Нэйман і Мікаэль Бэрлінг завітаюць у госці да мінскіх сябраў у чацвер 12 мая, каб падзяліцца скандынаўскім досведам паспяховай журналісцкай працы ў фармаце фрылансу, а таксама прапанаваць беларускім калегам шведскія рэцэпты паспяховай фрыланс-журналістыкі.
- Якія роля і месца журналіста ў сучасным свеце? Працаваць на імя або на выданне?
- Ці магчыма зарабляць з фрыланс-журналістыкі і быць задаволеным жыццём і свабодай, якую яна дае?
- Як пераканаць рэдактара і паспяхова “прадаць” свой матэрыял або ідэю публікацыі?
- Як спланаваць працоўны час і нагрузку журналісту-фрылансеру?
На юрыдычныя пытанні прысутных, звязаныя з працай журналістаў-фрылансераў, адкажа спецыяліст у галіне медыяправа Аляксандр Жук.
Сустрэча адбудзецца 12 мая з 18.00 да 20.00.
Усіх жадаючых просім зарэгістравацца на мерапрыемства. Для рэгістрацыі дашліце, калі ласка, паведамленне па электроннай пошце на адрас baj@baj.by з пазнакай «Фрыланс». Пра месца правядзення сустрэчы вам будзе паведамлена не пазней як 10 мая па электроннай пошце.
Запрашаем!
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
Агнешку Рамашэўскую-Гузы звольнілі з пасады дырэктаркі «Белсата»
12.03.2024
Стала вядома, за што палітвязень Ігар Лосік трапіў у ПКТ, дзе знаходзіцца паўгода
16.10.2023
Ізноў ператрус у Змітра Лупача. Гэтым разам у вясковай хаце
08.12.2023
Акцёр і тэлевядучы Аляксандр Ждановіч адзначае 60-годдзе. І рыхтуеццца да пераезду ў новую краіну
24.06.2024