Галоўным рэдактарам «Медузы» зноў стаў Іван Калпакоў, якому закідалі абвінавачванні ў харасменце

spektr.press

Гендырэктар «Медузы» Галіна Цімчанка ў звароце да чытачоў напісала: «Рашэнне аб аднаўленні Калпакова на пасадзе галоўнага рэдактара было прынята мной. Іван з самага пачатку быў ідэолагам і лідарам выдання, мы разам зрабілі адно з самых чытэльных СМІ ў Расіі. Я не ведаю іншага прафесіянала, які мог бы лепш справіцца з новымі задачамі і выклікамі».

Цімчанка дадала, што вяртанне Івана Калпакова падтрымліваюць кіраўнікі ўсіх падраздзяленняў «Медузы», а рэдакцыя не сумняваецца ў яго прафесійных якасцях. 

Іван Калпакоў падаў у адстаўку 9 лістапада, адстаўка была звязаная з абвінавачваннямі, якія выставіла супраць яго жонка аднаго з супрацоўнікаў выдання. На пасяджэнні рады дырэктараў «Медузы» перад гэтым было прынята рашэнне аб тым, што Калпакоў застанецца галоўным рэдактарам, але ён вырашыў сысці.