Гродзенскі суд адхіліў скаргу журналіста Дзяніса Івашына на змяненне меры ўтрымання
23 лютага 2022
Кастрычніцкі суд Гродна адхіліў скаргу на змяненне меры ўтрымання журналісту Дзянісу Івашыну. Аб гэтым паведамляе яго жонка Вольга ў тэлеграм-канале «Дзяніс Івашын».
21 лютага ў Кастрычніцкім судзе Гродна адбылося пасяджэнне па разглядзе скаргі Дзяніса Івашына на змяненне меры ўтрымання. Суд адхіліў скаргу.
— Асабліва гэта нічога не змяняе, наўрад ці, ва ўмовах адсутнасці законаў, можна было разлічваць на тое, што ў асобным Гродне ў дачыненні да Дзяніса ў кагосьці з сістэмы раптам прачнулася б сумленне і прафесійны гонар, — піша Вольга.
Журналіст Дзяніс Івашын знаходзіцца за кратамі з 12 сакавіка 2021 года. Яго абвінавачваюць па двух артыкулах Крымінальнага кодэкса — «умяшанне ў дзейнасць супрацоўніка органаў унутраных спраў» (артыкул 365) і «здрада дзяржаве» (артыкул 356). Праваабарончая супольнасць Беларусі прызнала Дзяніса Івашына палітвязнем.
@bajmedia
У Варшаве адкрылі персанальную фотавыставу Зянона Пазняка
30.04.2024
Мининформ разрешил показать чемпионат Европы по футболу без согласия УЕФА
24.04.2024
Супраць журналіста і праваабаронцы Уладзіміра Хільмановіча распачалі крымінальную справу
02.12.2023
С сайта ABW.by исчезло объявление о закрытии, он продолжает обновляться
10.11.2023
