Гродзенскія журналісты далучыліся да акцыі “Станем за журналістыку”
5 лістапада 2018
Сябры гродзенскай суполкі ГА "Беларуская асацыяцыя журналістаў" далучыліся да акцыі “Станем за журналістыку”, што адбываецца 5 лістапада па ўсёй Беларусі.
Сябра Беларускай асацыяцыі журналістаў, рэдактар беларускай службы сайта InformNapalm Дзяніс Івашын упэўнены, што незалежныя медыя — асяродак свабоды, які паказвае праўдзівае жыццё ў Беларусі:
“Нашы калегі-журналісты трапляюць пад магутны каток рэпрэсій, дзяржава імкнецца гэтую выспу свабоды знішчыць. Таму мы, гродзенцы, абсалютна свядома падтрымліваем кампанію абароны і салідарнасці з усімі журналістамі, што зведваюць цяпер рэпрэсіі. Гэта наша грамадзянская пазіцыя”.
Таксама гродзенскія журналісты далучыліся да збору сродкаў сям’і Уладзіслава Ахроменкі, які знаходзіцца ў коме ў беластоцкім шпіталі.
Грошы цягам некалькіх дзён будуць перададзеныя ў Беласток, куды прыехала жонка журналіста.
Уладзіславу Ахроменку 53 гады, ён родам з Гомеля. Як пісьменнік вядомы з канца 1980‑х, піша дэтэктывы, кінараманы. Працаваў разам з іншым пісьменнікам Максімам Клімковічам.
Далучайся да кампаніі і ты — падзяліся інфармацыяй і выкажы салідарнасць на сваім рэсурсе ці ў сваёй сацыяльнай сетцы!
#СтанемЗаЖурналістаў
#CтанемЗаЖурналістак
#StandUpForJournalism
Інфармацыйныя матэрыялы кампаніі ў вялікім памеры — тут
У Слоніме сталі за журналістаў
@bajmedia
Дуров: Telegram будет выдавать IP-адреса и телефоны нарушителей по запросу властей
23.09.2024
Пракуратура Брэсцкай вобласці распавяла, колькі «экстрэмісцкай» інфармацыйнай прадукцыі знайшлі ад пачатку 2024 года
21.10.2024
Ва Украіне з’явілася «РокРадыёBY»
10.01.2024
«Важны дзень добрых навін». Кацярына Пытлева расказала пра свой стан пасля аперацыі
06.03.2024
