Італьянская журналістка Чэчылія Сала вяртаецца дадому з іранскага палону

Яе вызваленне стала магчымым дзякуючы «напружанай працы па дыпламатычных і разведвальных каналах» урада Італіі.

Чэчылія Сала. Фота: GIO_LE/Shutterstock.com

Пра вяртанне суайчынніцы паведаміла прэм’ер-міністарка Італіі Джорджа Мелоні. Яна ж першай расказала радасную навіну бацькам вызваленай журналісткі.

È in volo l’aereo che ripor­ta a casa Cecil­ia Sala da Teheran.
Gra­zie a un inten­so lavoro sui canali diplo­mati­ci e di intel­li­gence, la nos­tra con­nazionale è sta­ta rilas­ci­a­ta dalle autorità ira­ni­ane e sta rien­tran­do in Italia. Ho infor­ma­to per­sonal­mente i gen­i­tori del­la gior­nal­ista…

— Gior­gia Mel­oni (@GiorgiaMeloni) Jan­u­ary 8, 2025

Джавані Каравеллі, дырэктар Агенцтва знешняй інфармацыі і бяспекі, асабіста выправіўся ў Тэгеран і суправаджае журналістку ў самалёце, які вяртаецца ў Італію.

«Я вельмі шчаслівая, нават не магу патлумачыць, як я сябе адчуваю. Урад прарабіў выдатную работу, каб вызваліць яе», — цытуе Van­i­ty Fair маці Чэчыліі Сала.

Чэчылія Сала вылецела з Рыма ў Тэгеран 12 снежня, маючы на руках журналісцкую візу і афіцыйныя гарантыі для замежных карэспандэнтаў. За час свайго знаходжання ў Іране яна зрабіла некалькі інтэрв’ю і выпусціла тры часткі падкаста.

Італьянка планавала вярнуцца дахаты 20 снежня, аднак днём раней яна перастала выходзіць на сувязь. Як аказалася пазней, журналістку кінулі ў турму для дысідэнтаў «Эвін».

Менш за тыдзень таму бацькі Чэчыліі Сала папрасілі прэсу захоўваць рэжым цішыні. «Сітуацыя з нашай дачкой Чэчыліяй Сала, закрытай у турме ў Тэгеране на 16 дзён, вельмі складаная і трывожная», — напісалі яны.

Наступнымі днямі Джорджа Мелані падчас паездкі ў ЗША сустрэлася з Дональдам Трампам і абмеркавала сітуацыю з узяццем у закладніцы журналісткі Il Foglio и Cho­ra Media.

Іран абвінавачваецца ў тым, што ён практыкуе «дыпламатыю закладнікаў»: затрымлівае замежных грамадзян, каб з іх дапамагой дабівацца ўласных мэтаў. Цяпер Тэгеран спрабуе вызваліць Махамеда Абедзіні, затрыманага ў аэрапорце Мілана за мяркуемы ўдзел у атацы дронаў па Іарданіі начапатку гэтага года, у выніку якога загінулі амерыканскія вайскоўцы.