«Экстрэмісцкі спіс» Мінінфарма: Іnstagram-акаўнт Беларускага расследвальніцкага цэнтра

Міністэрства інфармацыі Беларусі 30 студзеня папоўніла Рэспубліканскі спіс экстрэмісцкіх матэрыялаў. Сёння ў пералік быў дададзены Іnsta­gram-акаўнт з назвай belarus_files, які вядзе каманда журналістаў «Беларускага расследвальніцкага цэнтра».

Рашэнне пра тое, каб прызнаць Іnsta­gram-старонку belarus_files (ідэнтыфікатар instagram.com/belarus_files) «экстрэмісцкай інфармацыйнай прадукцыяй», прыняў 28 студзеня суд Баранавіцкага раёна і горада Баранавічы.

Справу вяла суддзя Святлана Сняжко. Ініцыятарам выступіла Баранавічская міжраённая пракуратура.

Раней у Рэспубліканскі спіс экстрэмісцкіх матэрыялаў былі ўключаныя і іншыя інтэрнэт-рэсурсы медыяпраекта. 15 верасня 2023 года «Беларускі раследавальніцкі цэнтр» рашэннем Вярхоўнага суда быў прызнаны «экстрэмісцкім фармаваннем».